大瀛喜日本料理 (已結業)

重陽假期唔使返工，約個friend去旺角行街，行咗3個鐘頭，有啲肚餓，個friend提議去食下午茶，5點幾鐘食下午茶？ 咁咪要好夜先食晚飯囉！我又唔想咁夜返屋企喎，於是提議去附近嘅大瀛喜食放題。​因為冇訂檯，都擔心冇位，好彩可能時間尚早，我哋可以唔使等即刻有檯。一坐低，睇下厚厚的order list, 分類好清楚，有刺身，沙律，卷物，小食，主食，燒物，手卷，壽司，天婦羅 .... 等等；我們各自tick自己喜歡的食物，當然最受歡迎是刺身；刺身的選擇也不少，有10幾款，我哋食得最多係三文魚，油甘魚，䲞魚，甜蝦，虎蝦和赤海蝦。​​這裏的三文魚頗新鮮，肉質肥美結實；油甘魚很滑嫩；甜蝦，虎蝦和赤海蝦鮮甜爽滑，食到停唔到口；鰻魚壽司可能醬汁多了，稍甜少少；鹽燒牛舌，鹽燒雞軟骨，蜜糖醬燒雞翼，鐵板蒜香一口牛非常香口，佐酒一流；蟹皇海鮮炒飯多了點油，有點膩；胡麻冷豆腐好香滑，入口溶化；蟹籽沙律酸酸甜甜醒胃 .... ​​還有甜品，我哋食咗咖啡蛋糕，紫薯蛋糕，泡芙，tiramisu, 芒果雪糕和榴槤味雪條。​​非常豐盛的一餐，跟住呢幾日又要節食減肥了。