韓珍 (帝國中心) (已結業)

同朋友黎食生日飯，之前食過覺得好正，今次番黎encore。我地3個人，order左一個二人set，同散叫一份牛肉炒粉絲。落完order，店員立即端上七款小菜。餐廳會送一客蒸蛋，我地襯個爐未ready之前填下肚先。二人套餐 前菜：牛油果&生果沙律都好大份，賣相好靚，滿滿的沙律菜上淋上沙律醬，顏色豐富，食慾大增。套餐包豬、牛二款肉，五花肉、豬肩肉同特級調味牛肋骨，仲有菇菌同蔬菜。泡菜豬肉湯 套餐包既，酸酸辣辣好開胃，又暖身，好多泡菜，啖湯好濃味，送飯一流。牛肉炒粉絲 $100好中意食既韓國菜式，份量都幾大碟，我地3個食完哩餐都勁飽。今餐主要都係我負責燒，呵，我好在行，今餐慢慢食，好開心。