18樓雞煲火鍋專門店

營業中

休息中

約咗朋友喺荃灣食飯，大家時不時可能都會去大鴻輝，因為嗰度就好多唔同嘅放題邊爐韓燒個d野食，唔知大家又有冇去過18樓食雞褒呢？18樓嗰間雞煲真係叫18樓雞煲火鍋專門店😂第一次聽嘅時候真係笑咗。講返嘢食先，呢度嘅雞煲獨孤一味，淨係可以揀辣度，比較傳統，入邊只有紅蔥頭、洋蔥、雞件同芫荽，唔會有冬菇之類嘅配料。可以睇得出店家對自己嘅雞煲都幾有信心。食落啲雞都幾入味，不過就有少少偏鹹，好彩呢度有好多唔同嘅嘢飲，最特別嘅係佢有用台式飲品包裝方法裝住嘅，自家製泡茶。完全冇糖，有咩飲非常解膩。火鍋配料方面，呢度係採取電話落單，都算幾方便，不過要注意嘅係，去到時間差不多完嘅時候，係唔會有店員嘅提醒，但你就會發覺手機連唔到落單嘅網頁，所以食嘅時候要自己注意時間。總括嚟講，呢度算係水準唔錯嘅雞褒店。