開業已經17年
老闆係吹得之人
天南地北包括埋美食心得
唔止食咗餐飯仲識多咗個朋友
現場嘅梳化都可以移位
仲有好多board game
如果一大班朋友上嚟聚會都冇問題
地中海香蒜雞柳螺絲粉
使用嘅香草都係老闆自己種植
除咗好香嘅香茅味同蒜頭味之外
仲加入咗特別嘅茴香
清新得來舌尖會有少少嘅辣味
螺絲粉嘅質感啱啱好
鎖住啲醬汁嘅味道
韓式牛肋條螺絲粉
呢個係老闆強烈推介
確實高質值得回味
牛肋條烹煮咗一段長時間
肉質軟腍 入口即溶
醬汁帶着鮮甜醬油味
一樣非常之惹味
瑞士雞翼
呢個係老闆多年來嘅秘製瑞士汁
冰糖嘅味道好出
皮滑肉嫩
香蕉奶昔曲奇朱古力
飲品嘅選擇好多
其中我哋覺得最出色嘅就係香蕉奶昔
真係原隻香蕉擺入攪拌機絞碎
所以每一啖都飲到好香甜嘅香蕉奶味
老闆仲非常有心咁樣將多咗嘅用咖啡杯裝好俾我哋飲埋佢
曲奇朱古力就正常發揮
大家過嚟試吓嘅時候記得電話預約
