鼎泰豐﹝黃埔美食坊﹞ (已結業)

平時黎到黃埔呢頭都係食個幾間, 上個月有一次放工後又黎到呢區, 到左蔡瀾美食坊, 兜左個圈, 咦…有鼎泰豐喎…上次去台灣時因為鼎泰豐有太多人入唔到去, 今次就係香港試下!門口有一大個玻璃廚房, 有好幾個師傅係度做緊小籠包. 入面既格局同裝修都有d大陸feel, 一張張的木圓枱, 無咩佈置, 地方大, 枱亦都疏疏落落.隨便地叫左個二人餐, 有雞絲粉皮, 酸辣湯, 炒飯, 炒菜, 小籠包, 另外仲有甜品.味道一般, 原以為小籠包應該相當不錯, 一共有五只, 熱騰騰, 不過肉汁不夠, 少了一點鮮味, 而且個皮唔夠簿, 咬落去亦有點實. 有成班師傅係個玻璃廚房度整包既水準原來只係咁, 失望!可能當天肚餓的關係, 個人覺的個炒飯幾好食, 因為鹹鹹地又飽肚. 朋友就話個清炒菠菜最好食喎.跟住叫甜品, 可選紅豆鬆糕or 紅豆小籠包. 見紅豆小籠包咁新奇, 就order要一個啦. 等左好一會, 原來要等佢蒸的, 嘩…一籠又係五個, 小籠包的皮, 裡面係一大團的紅豆蓉…!!! 好特別…亦好唔得, 只的個甜, 而且紅豆蓉同厚厚的小乇包皮並不相襯…幾乎可以難食黎形容.下次到黃埔都係食番d正常d既野咧.