肉肉大米

如果有返開深圳，應該對內地人氣漢堡扒專門店「肉肉大米」🍚唔陌生，依家喺香港越開越多分店，連屋企附近都有間💁🏻‍♀️，小姐姐既15分鐘生活圈又多一間飯堂💁🏻‍♀️。性價比高既席前即煎和牛漢堡扒+ 開放式吧檯座位+開放式廚房 = 餐廳signature❕幾乎每間分店都同深圳一樣樣，而且價錢非常親民👏🏻，唔使特登返深圳食。

香港店同內地店一樣，除咗提供原味、邪惡芝士味外，仲間唔中出限定口味，今期限定係南洋青咖喱味。

小姐姐最鍾意原味漢堡扒，配埋日本生蛋一齊食唔停得好🤩，流心蛋+肉嫩juicy漢堡扒 = 滋味十足👍🏻，送飯一流！另一款人氣口味芝士和牛漢堡扒，店員即席係芝士漢堡扒表面再double up刨上芝士，邪惡芝味香濃！