東寶小館 (已搬遷) 新店位置

如果一大班朋友去食飯，最好就揀d可以坐到成圍人既地方去食，炒小菜就最好不過了，揀左去北角市政大廈度食晚餐，上到去食東寶，唔洗等位好快坐低左，而家呢個市政大廈好多外國遊客黎食，佢地自己會搵個area播歌，好好氣氛。叫左七個小菜，十四碗白飯，椒鹽尤魚鬆脆可口，唔會太油又唔會炸得太乾身，炸粉唔會太厚。黑椒薯仔牛柳粒最正最惹味係佢個黑椒味，有少少辣，薯仔好林身但唔會太溶，反而咬落好有口感，牛肉粒大大粒，但唔硬身，送飯一流。魚香茄子煲一擺低係枱面上，已經聞落好香，出晒煙熱辣辣，成個魚香茄子醬好好味，唔會太咸又唔會太淡。豉油皇炒面面質彈牙，d面應該經過冷河所以先會特別彈牙，豉油都好均勻咁佈滿晒係所有炒面之上，唔錯。啫啫雞煲本身我個人唔食豬潤，但呢個雞煲整得好好味，尤其是d豬潤，好入味，令到我食左好多豬潤，d雞件好惹味又唔乾身，朋友撈左2碗飯食。京都豬扒茄汁酸味岩岩好，配落d新鮮豬扒度好夾，炒得好香口，豬扒唔會太多骨，反而佢肉多。咸蛋蒸豬肉咸蛋唔會話太咸，呢款菜送飯都幾開胃。