金色不如帰 (國際金融中心商場)

營業中

休息中

128蚊一碗拉麵。識飛嘅？唔係。好食到識飛？唔覺。一碗平民充飢的拉麵要$128真係要好食到飛起我先覺得抵。我食完之後嘅感覺係⋯⋯佢有佢嘅得着，佢真係冇（乜）味精，我食咗之後三四個鐘頭都冇頸渴嘅感覺👍（喺香港食拉麵成日三四個鐘頭後都有頸渴嘅感覺）；個湯底真係好清淡👍。不過碗拉麵唔係我杯茶。個麵嘅份量只係多過一碗雲吞麵少少。還有，個湯同個麵底好似雲吞麵啲鹼水麵同埋個湯。冇話好唔好嘅，可以比大家知道我哋傳統嘅雲吞麵湯底係真材實料，値$128。