影片
更多
2022-02-24
47 瀏覽
呢幾日真係超級無敵勁爆凍🥶 都唔知可以點樣令自己身體暖啲🥶 唯有出去打個邊爐，暖下個胃啦🥰湯底🍲: 冇記錯嘅好似差唔多有成10款湯底，不過既然係台式火鍋店，梗係食返台式嘅藥膳當歸湯底😋 一人一鍋嘅關係，朋友可以叫另外一個湯，佢就叫咗肉骨茶。一嚟到已經急不及待即刻飲啖湯先，估唔到打邊爐湯底都可以咁濃郁，藥膳湯底好有藥材味，而且喺個湯底度都會留到啲杞子同埋其他湯料，感覺好真材實料😍👍🏼牛肉套餐🥩: 餐牌有四款套餐，分別食唔同Level嘅肉，我哋叫咗Set C，$308一人。一揀完套餐服務員已經幫我哋每款肉落咗一碟，牛類有有美國Prime牛肩胛，精選牛板腱，安格斯牛小排，SFR封門柳🤤 我最鍾意食SFR封門柳，啲肉切到好薄淥一淥就會熟，而且肥瘦分明，牛味好重，值得再叫👍🏼👍🏼👍🏼火鍋配料🥬: 店舖有個火鍋自助區，有得自己調配醬料，夾一啲丸類，菜，同公仔麵等，冇記錯好似成30幾款，真係每樣食一件都飽死人😂😂😅嘢飲甜品🧋🍧: 另外最值得一題嘅就係呢間火鍋店嘅嘢飲甜品都係任食任飲，嘢飲仲要有珍珠奶茶添！珍珠奶茶雖然唔算得上係好驚喜，但都過得去啦而且大大杯😗 甜品我哋就叫咗個雪糕窩夫，同埋雪花冰，兩
湯底🍲: 冇記錯嘅好似差唔多有成10款湯底，不過既然係台式火鍋店，梗係食返台式嘅藥膳當歸湯底😋 一人一鍋嘅關係，朋友可以叫另外一個湯，佢就叫咗肉骨茶。一嚟到已經急不及待即刻飲啖湯先，估唔到打邊爐湯底都可以咁濃郁，藥膳湯底好有藥材味，而且喺個湯底度都會留到啲杞子同埋其他湯料，感覺好真材實料😍👍🏼
牛肉套餐🥩: 餐牌有四款套餐，分別食唔同Level嘅肉，我哋叫咗Set C，$308一人。一揀完套餐服務員已經幫我哋每款肉落咗一碟，牛類有有美國Prime牛肩胛，精選牛板腱，安格斯牛小排，SFR封門柳🤤 我最鍾意食SFR封門柳，啲肉切到好薄淥一淥就會熟，而且肥瘦分明，牛味好重，值得再叫👍🏼👍🏼👍🏼
火鍋配料🥬: 店舖有個火鍋自助區，有得自己調配醬料，夾一啲丸類，菜，同公仔麵等，冇記錯好似成30幾款，真係每樣食一件都飽死人😂😂😅
嘢飲甜品🧋🍧: 另外最值得一題嘅就係呢間火鍋店嘅嘢飲甜品都係任食任飲，嘢飲仲要有珍珠奶茶添！珍珠奶茶雖然唔算得上係好驚喜，但都過得去啦而且大大杯😗 甜品我哋就叫咗個雪糕窩夫，同埋雪花冰，兩樣都好高質啊，食完熱辣辣嘅邊爐配上凍冰冰嘅甜品，滿足晒😌
最後最後，餐廳仲會每人送一盒Movenpick雪糕，真係性價比超高，希望第時開返晚市嘅時候可以再嚟試啦😏
張貼
