成年冇返黎香港, 當然每日都會約唔同朋友食飯, 兩個人就決定打邊爐放題, 貪佢每樣都可以試少少。
一鍋堂好耐冇黎過，地方大，地方乾淨企理， 全部係卡位， 闊落又舒服。
晚市佢有幾個唔同任食火鍋套餐， 我地就揀左最貴嘅日本黑毛和牛A4套餐(正價時段$338/人)，除左A4黑毛和牛，仲有多款雞牛羊豬，海鮮，丸，蔬菜同野飲，連生啤都有得任飲！
入座時第一時間要揀左湯底先，我地揀左咸菜胡椒豬肚雞鍋，入面都真係有幾舊豬肚同雞件架！
肉類同海鮮都係經QR code落單，野食都上得好快同冇漏單情況。因為我地揀嘅係最貴嘅餐，當然專攻啲靚肉，好似極上安格斯牛小排呀，澳洲M6和牛牛腹肉呀，南非和牛三花腱呀，伊比利亞黑毛豬呀......全部都唔差，解凍得夠又唔會有血水，亦唔會切到碎濕濕咁。
除左靚肉之外，佢地嘅牛丸都唔可以錯過，因為係大埔振興瀨尿牛丸，彈牙得黎一咬落去真係噴晒汁
其他海鮮都有睇頭唔會太細隻
醬料，餐前小食，冷盤，丸類，蔬菜同飲品就可以喺自助區自己搞掂。
丸類好多款，試左幾款都唔錯，唔係成口粉
野飲選擇亦好多，有汽冇汽，果汁涼茶，啤酒生啤都有。
雖然冇大牌子雪糕，但有雪糕機自己任吱
Overall選擇幾多野食都唔錯，最重要係乾淨同坐得舒服，都算抵食，另外佢地而家做會員迎新優惠同積分都升級左，每月會定期回贈回員，包括現金卷，折扣卷，食物卷同延長時間券，黃卡每月有9折優惠券；金卡每月有85折優惠券；白金卡每月有8折優惠券。最低級嘅黃卡係唔洗入會費，如果食開記住係咪都入左會先。
