120分鐘日式火鍋炸物放題一共有六款選擇，我哋揀咗每位$208嘅“米國特上牛肉”。
冬陰功毛蟹湯底 - 冬陰功湯底夠曬香，酸度適中，湯底入面加有紅辣椒，辣味會越食越明顯，仲有原隻毛蟹，相當吸引！
“米國特上牛肉”有五款任食肉類：
美國特穀飼牛 - 有牛味得嚟又唔會過羶
手切牛 - 牛味濃郁帶有牛肉鮮甜味
美國豚肉/羊肉片/雞件 - 幾款都十分新鮮有光澤，優質好食
火鍋自助區配料有相當多選擇，香腸、午餐肉、丸類、蔬菜、菇類、豆製品、粉麵……各適其適，而且樣樣新鮮優質。
炸物以自助形式提供，食材亦都有好多選擇。
放題當然唔少得任飲嘅飲品同雪糕啦。
每位加$30可以任飲啤酒、清酒同梅酒，就更加適合我同朋友。
埋單後，餐廳仲送每人一杯Movenpick / Dreyer's / Haagen-Dazs雪糕，呢餐真係食得相當滿足！
