418
7
5
餐廳: 稻八日式火鍋炸物放題
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

港鐵太和站 B 出口 繼續閱讀
所有分店 (1)
電話號碼
35655031
68920619
開飯介紹
供應日式火鍋,設九洲豬骨、北海道牛乳等多個日式火鍋湯底。較為特別的是,餐廳設有自助炸物鍋,客人可揀選心水炸物款式後,再自行蘸上炸漿及米糠,放入鍋內炸約20秒左右就製成天婦羅。另有海苔、咖喱等天婦羅調味粉供應。 繼續閱讀
營業時間
今日營業
12:00 - 20:00
星期一至日
12:00 - 20:00
公眾假期
12:00 - 20:00
公眾假期前夕
12:00 - 20:00
付款方式
Visa Master AlipayHK 支付寶 現金
座位數目
95
其他資料
網上訂座
Wi-Fi
深夜營業
酒精飲品
外賣服務
加一服務費
當面支付
有關獎賞計劃
食評 (450)
等級4 2020-11-12
838 瀏覽
去開大埔做嘢見到呢間火鍋店外觀幾好仲有早烏優惠就去入去試試佢店內環境乾淨枱與枱之間距離夠闊大家出入攞野食都唔怕影響到人揀咗$208特級美國穀飼牛放題同北海道3.7牛乳牛骨湯叫完湯底好快就送到第一眼見到個湯底就覺得正呀濃濃嘅奶白色試一啖好香奶味同埋覺得湯底應該冇加味精唔會一路食一路覺得好口渴$208套餐可以食5款肉類款款都好新鮮完全冇結冰或者雪過龍仲會見到新鮮肉嘅光澤而且肥瘦適中特別推介呢款問店員話係手切牛肉入口好嫩滑唔會肥膩又有肉香可以無限encore 同大多數日式火鍋放題一樣蔬菜醬料都係出面自助式種類好多同新鮮想要腸仔丸類就要寫紙可以要一粒都得唔洗浪費肚既空間蝦滑同墨魚滑係一定要試好鮮甜彈牙仲食到有粒粒蝦肉同墨魚肉任食都有呢個質素好高質吸引我既另一個賣點係呢個自助炸物呢到係準備好晒所有材料自己揀食材材料嘅選擇好多連蝦肉都有真係令人佩服可以自己整吉列炸蝦🍤有得食又有得玩同埋呢度啲炸嘢乾淨企理見到店員好勤力清理每一個客人炸佢都會即刻清油鍋Keep住啲油清澈唔知係咪因為佢個粉漿調得好炸出嚟好好味之後我停唔到手炸左好多串炸餐肉茄子真係無得彈————————————————————總評食物:整體食材都係高質素唔會因為任食就比啲平價貨服務:店員既服務好好有禮貌又快手環境:坐得舒服空間感足夠自助區乾淨食完埋單 仲可以係門口位換到D牌M牌雪糕其他雪糕甜品就任食 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-05
867 瀏覽
近排睇電視,大埔區好出名,所以就刻意過嚟行下街,食個晚飯先走。記得搭地鐵的話,太和站出會近啲咖!就係太和站附近有個食街,幾條街都係食野,餐廳林立,秋風起,緊係打邊爐啦!呢間餐廳好特別,竟然有炸物,即係天婦羅,仲係可以自製,自己即整即食,真係有得玩喎!咁就入去試下啦,反正價錢唔算好貴。入到去坐得舒服,唔迫,2個人都可以坐4人梳化位,起碼夠位放食物。坐低店員會問食邊個套餐,打邊爐就緊係要食牛,所以揀咗個208套餐,中價位試一試。另外仲可以揀湯底,店員話而家有2款限定鍋底,又唔洗額外收費,分別係南瓜長腳蟹同紫菜海膽鍋。一聽到有海膽就叮一聲😂未試過咁奢侈,海膽打邊爐🍲紫菜海膽鍋:入面真係有一舊舊嘅海膽咖!試左個湯底唔會有腥味,係有種清甜鮮味,又真係幾特別!一開始店員會先上兩份牛,豬雞羊各一。另外仲有一份送嘅手切肥牛。呢份手切肥牛淥一淥就食得,好滑好香牛味,不過就無得加點啦。但係本身套餐嘅牛肉都唔差,好食,唔會一大半肥膏,一樣有牛肉味,有質素!豬肉片一樣好食,無雪味有豬味,切到薄薄,好快食得!自助餐區係無丸同水餃夾,要另外寫紙order 。種類一樣好多!大部分嘅丸都有,記得點個花膠,墨魚滑同蝦滑,好食😋自助餐區有各款菜類,菇🍄同烏冬公仔麵🍜。自己枱上面有個碗,記得拎出去夾。自助餐位置有店員專門負責,乾淨衛生。記得一定要拎鴨血!唔係豬紅,係鴨血,打邊爐店好少見,因為成本貴。呢間鴨血好滑,無腥臭味咖!超好食!我哋食左5碗😎炸物DIY種類好多,已經串好啦。每次最多炸5串,炸大概3分鐘左右,其實都已經熟晒。放心,我見啲油好清澈,應該每一晚都換。DIY 有教學,首先上粉漿,然後上麵包糠,放入去炸就成功啦。等一陣,搞掂食得!我地試左虎蝦,紫薯仔同菇,炸3分鐘左右已經全熟啦!如果你好鍾意食自製炸物,就要早少少食,因為7點半左右餐廳差不多滿座,炸爐只有一個,當時就要等耐啲啦。飲品位有常見嘅茶,另一個雪櫃就係汽水。仲有小小甜品位,不過我就無試,因為雪糕櫃好吸引!必食雪米糍,入面係夾心餡!我一個人食左8粒,正!另外爆炸糖雪條好特別,可以試下!呀,記得每人仲可以換一杯M字D字或H字雪糕,埋單時拎收據係門口位置換就得。任食120分鐘真係好滿足,坐得舒適唔太迫。店員收碟速度都好快,有禮貌。 繼續閱讀
(以上食評乃用戶個人意見 , 並不代表OpenRice之觀點。)
食足兩小時!高水準抵食火鍋放題 稻八日式火鍋炸物放題 最平$178起! 八款湯底選擇 仲沙律吧,雪糕 自助串炸任食 多款飲品任飲 仲有85折優惠!個性化既裝修,服務好,食材高水準,仲要食足2小時包自助沙律吧,雪糕櫃,飲品任飲,由$178起,亦有日本和牛選擇,都係300幾一位留意餐牌再決定食邊款都未遲!最平個款牛肉水準都非常好食了! 早鳥或晚市9點半後有85折優惠,不定期推出唔同既特色湯底!今次試左忌廉南瓜湯底仲有一大段蟹腳一齊煮!夠曬鮮甜!佢呢度最大既賣點,設有一個自助炸物區,有大約12款食材用竹枝穿起,比你自己上粉漿炸粉去炸,呢種係日本叫串炸,係香港少見既食法自己炸好再決定用咩味粉去調味,最好食係炸芝心丸!但唔好食太多,過下引就算,主力都係食火鍋!大約10分鐘左右就會上齊第一輪既肉,包括雞,牛,豬各1-2盤視乎返你人數,食完再call都未遲,呢度上菜好快!食得曬先好叫!牛肉既油脂比較相當好,唔會太肥,食幾片就油膩雞肉夠嫩滑,牛肉夠厚身,唔會透光一煮就唔見左,肉味濃郁,再CALL牛肉都係幾分鐘就上碟咁飲品同蔬菜都係自助取,自己去執個蔬菜盤同拎飲品!仲少少甜品同咖哩飯食,有興趣都可以試下!甜品有雪糕杯,韓國雪條,仲有雪米滋(三隻味)整體上係好抵食,亦好食,所以開左咁多年都係咁旺場!最好訂位! 繼續閱讀
(以上食評乃用戶個人意見 , 並不代表OpenRice之觀點。)
約左朋友入大埔,餓左半日晚餐想任飲任食,就揀左呢間稻八日式火鍋放題喇。首先有六款肉俾你揀,貴到平都有。有啲係連刺身嘅,我哋就揀咗$208嘅美國穀飼牛放題。入到去環境都好闊落同乾淨,而且就算每人一鍋咁都唔會話好大陣味或者好焗。湯底都有好多款。我哋揀咗個牛乳牛骨湯,睇落幾特別,都唔係間間都有咁。上枱個湯底係的確有一浸奶味嘅,而且好香,都入到牛骨嘅味,奶白色嘅湯底望落幾吸引,係一樣幾特別嘅湯底。肉類好快上。首先係必食嘅牛肉美國肥牛,煲落都唔會話太老,入口肉質都仲係幾嫩,而且牛香味都還可以。肉類係無限添嘅,所以可以食個夠本。豬肉羊肉同雞肉都係唔錯嘅水平,係新鮮肉嚟,所以就咁食個湯底嗰陣味或者跟豉油食都好好食。除咗肉之外仲有好多唔同嘅丸丸,菜同埋烏冬或者面之類,選擇都幾多,可以隨便夾。有幾個丸都好特別,好似芥辣同埋海鮮丸,我都覺得幾好食。嘢飲方面都有兩個大雪櫃,一個裝紙包一個裝罐裝。清酒都有得飲。除左火鍋外,最令我感興趣的就是炸物diy區。很少有地方可以讓你體驗親手整天婦羅,又有得玩又有得食。新鮮熱辣、外皮香脆既天婦羅配上七味粉、紫菜等調味料,簡單又好食。呢度俾你食兩個鐘,上肉好快,甜品都有幾款,而且最後有雪糕俾你可以拎走食。總括嚟講,都算幾抵食,係翻兜之選。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-01
1115 瀏覽
近排又想起旅行時嘅開心快樂,相信還有一段日子先可以外還,唯有去一個可以任飲任食嘅地方食過夠,一次過食餐好選擇最靚嘅日本國產黑毛和牛盛合,有無限添加嘅牛肉味道濃郁嘅黑毛和牛牛肩肉,肥美嫩滑黑無和牛三角腩,配埋個新出嘅忌廉南瓜湯底,內裡還有長腳蟹,湯底濃郁新味!落單後立即出去自製炸物,出面款式多,我就選擇了火腿、燒賣、香腸跟步驟完成,食物沾上炸漿後再加上小小米糠放入爐內炸,不消一會美味香脆嘅炸物就上枱,個炸漿調得十分好,唔會覺得太厚身,薄薄一層外脆之餘內裡食物亦十分香口好味,在火鍋前嘅小吃!而湯底上枱同時店員亦將本餐嘅食物一齊上枱,主力嘅黑毛和牛就係今晚嘅主角,其餘都可以一試,為了提升戰闘力,今次放棄了刺身,主攻食和牛為主,在盛合上見到和牛牛脂嘅分布完美,放入湯底一拖兩拖就已經可以入口,入口個陣肥美又濃郁嘅和牛真係令人十分喜悅,而相對跟餐其他嘅火鍋配料就真係唔夠這個質素嘅和牛味道!當然本身都唔差,每樣食物都十分新鮮,而丸丸都唔係食得太多,最後在雪櫃食埋雪米滋感覺十分滿足,埋單後還有杯movenpick 雪糕真係絕對超值! 繼續閱讀
(以上食評乃用戶個人意見 , 並不代表OpenRice之觀點。)