影片
更多
2015-10-18
7283 瀏覽
因為外甥女由英國返港小休及她喜歡食鵝肝，所以Book 左今日6:45pm 3位的自助晚餐。差不多6點半到達，餐廳面積不少，座位也寛躺，要求安排靠牆位置，可以靜一點。海鮮食左長腳蟹，凍蜆都幾新鮮，反而凍蝦就不太新鮮麻麻地。沙律食左凱薩雞肉，什果沙律，好醒胃。巴馬火腿就一般般啦。熱盤食左白汁青口，好香好味。滷水旦，滷到入曬味，吾錯。炸雲吞，剛炸起，配甜酸汁，好食。雞軟骨串及八瓜魚仔串就凍曬，好硬。蒸魚系石斑，蒸得老左少少，但都可以。炒烏冬就冇乜味同好淋。即整印度燒餅，熱辣辣，吾錯。即切燒牛肉，帶點脂肪，夾在一起食，邪惡但好味。白汁豚肉片，個汁好惹味，好香口。中湯系菜干豬骨，又系應該溝左好多水，得個鹹字。刺身三文魚好肥美，八爪魚就普普通通。甜品蘋果金寶，好香好脆。法式燉旦，還可以。芝士撻，香蕉旦糕，黑森林旦糕，青蘋果霧絲，杧果奶凍，朱古力木糠布甸，可以一試，但吾試都吾系有乜損失。榴槤班㦸，將榴槤打在中間的忌廉內，好香，但個班㦸皮有點硬。杧果西米露，冇乜杧果肉，只有奶味。即灼面加付皮卷及扎肉，湯頭冇乜味，好一般。鵝肝7點半左右即煎，要排隊但好快，師傅好慷慨，比好多，夾法包同吃都好漏。真系一件起
差不多6點半到達，餐廳面積不少，座位也寛躺，要求安排靠牆位置，可以靜一點。
海鮮食左長腳蟹，凍蜆都幾新鮮，反而凍蝦就不太新鮮麻麻地。沙律食左凱薩雞肉，什果沙律，好醒胃。巴馬火腿就一般般啦。
熱盤食左白汁青口，好香好味。滷水旦，滷到入曬味，吾錯。炸雲吞，剛炸起，配甜酸汁，好食。雞軟骨串及八瓜魚仔串就凍曬，好硬。蒸魚系石斑，蒸得老左少少，但都可以。炒烏冬就冇乜味同好淋。即整印度燒餅，熱辣辣，吾錯。即切燒牛肉，帶點脂肪，夾在一起食，邪惡但好味。白汁豚肉片，個汁好惹味，好香口。中湯系菜干豬骨，又系應該溝左好多水，得個鹹字。
刺身三文魚好肥美，八爪魚就普普通通。
甜品蘋果金寶，好香好脆。法式燉旦，還可以。芝士撻，香蕉旦糕，黑森林旦糕，青蘋果霧絲，杧果奶凍，朱古力木糠布甸，可以一試，但吾試都吾系有乜損失。榴槤班㦸，將榴槤打在中間的忌廉內，好香，但個班㦸皮有點硬。杧果西米露，冇乜杧果肉，只有奶味。
即灼面加付皮卷及扎肉，湯頭冇乜味，好一般。
鵝肝7點半左右即煎，要排隊但好快，師傅好慷慨，比好多，夾法包同吃都好漏。真系一件起二件止。
可樂，蘋果汁，咖啡，檸檬茶任飲。但蘋果汁應該溝左好多水，好淡。
HD雪糕有4款，皇家奶茶味好濃好香，云呢拿，士多卑梨同朱古力就冇驚喜。
用左優惠劵，3位共$1000左右，都算抵食。
張貼