薔紅

營業中

休息中

相信大家都有聽過灣仔薔紅，無論午餐、晚餐時間都一定高朋滿座，仲要坐到密質質，上菜速度好快，同埋有名物燒春雞，根本上10個有8個都order燒春雞。《脆皮燒春雞》$86哇，一上檯已經覺得好吸引，啲雞皮燒到金黃色！上菜嘅時候侍應會送上手套同濕紙巾，方便我地用手食，而且餐廳官方都建議我地用手食會更好味。撕開隻雞嘅時候，要小心d，因為熱辣辣，而且仲有雞油流出黎，咬落去好juicy，啲皮炸得金黃酥脆，咬落去有啲滋滋嘅聲音，外脆內嫩，真係大滿足！配菜方面，可以揀飯/茄汁意粉/炸薯條/薯仔沙律，我同朋友分別揀左茄汁意粉同薯仔沙律，味道就一般般，唔夠燒雞出色。如果比較細食嘅，唔建議揀飯or意粉，燒春雞有半隻咁多，食雞都已經好飽。