韓牛牧場 (已結業)

最近又開始禁晚市堂食所以唯有同朋友食好啲中午餐補補數，今日就同朋友仔嚟銅鑼灣食韓燒。1++韓牛燒定量午市餐二人份呢度嘅燒爐並唔同出邊嗰啲燒爐而係用咗光波爐款式轉住黎燒，呢個燒肉餐入邊包括有牛肉，豬肉，雞肉同埋蝦同青口，仲有啲蔬菜添成個套餐都幾豐富㗎，牛肉味真係好濃郁，另外豬肉方面係用咗薄片五花腩，所以好容易燒熟另外雞肉方面非常之多汁而且一啲都唔鞋口，海鮮方面就不失不過。1++韓牛他他丼以前去韓國都食過韓牛他他，韓牛切到一絲絲用上咗啲韓國醬汁配埋雪梨絲同埋熟蛋撈埋一齊食非常之鮮味。呢度啲午市餐包左享用自助前菜任食同埋飲品都飲嫁，所以呢個價錢來講真係非常之優惠！