影片
更多
2018-06-11
101 瀏覽
自從先生番左大陸做野，1家3口好少係香港覓食，依家辭左職後搬番香港又可以周圍搵食今次黎到火水爐食任食火鍋，訂坐有雞煲送，記得要訂坐。為左唔好咁晏食完影響大帝休息時間，所以book左6點半，一間裝修懷舊既餐廳，幾有特色。有位哥哥仔主動攞BB凳過來揀完餐好快有個炸魚蛋炸燒賣小食黎左，都唔錯。之後小辣雞煲就黎，有2隻鮑魚，雞件，豬皮，豆卜，紫洋蔥，蔥等，煲一陣就食得，好香夠麻唔太辣帶點甜味，鮑魚新鮮彈牙，雞件滑，豬皮豆卜索晒汁好好味，因為大帝唔食得辣同濃味野，所以我地拿拿淋夾起晒轉荽茜皮蛋湯底任食火鍋。有1個海鮮拼盤唔係任食，有蠔，墨魚滑，脆肉鯇，蝦，青口，蜆，各款海鮮都新鮮唔會霉。其他任食類有安格斯牛小排色水肉質都唔錯，唔似其他任食火鍋既牛肉肥多過肉又有瘀色。我地都食左3，4碟。黑毛豬肉片都唔會柴，之前睇過其他食評見丸類麻麻地，但食過墨汁墨魚丸，魚蛋都幾高質，墨汁墨魚丸彈牙有小小墨魚粒，魚蛋微彈唔會鬆拋拋。燕皮餃同雲吞都幾足料，好生麵爽口彈牙無鹼水味，平時打邊爐都少食麵既先生都主動話要叫多個冬瓜，娃娃菜都幾甜，苦瓜上枱時有點乾但對味道係無影響既。最後有紅豆什果涼粉沙冰，食完熱辣辣既打邊爐再
今次黎到火水爐食任食火鍋，訂坐有雞煲送，記得要訂坐。
為左唔好咁晏食完影響大帝休息時間，所以book左6點半，一間裝修懷舊既餐廳，幾有特色。有位哥哥仔主動攞BB凳過來
揀完餐好快有個炸魚蛋炸燒賣小食黎左，都唔錯。
之後小辣雞煲就黎，有2隻鮑魚，雞件，豬皮，豆卜，紫洋蔥，蔥等，煲一陣就食得，好香夠麻唔太辣帶點甜味，鮑魚新鮮彈牙，雞件滑，豬皮豆卜索晒汁好好味，因為大帝唔食得辣同濃味野，所以我地拿拿淋夾起晒轉荽茜皮蛋湯底任食火鍋。
有1個海鮮拼盤唔係任食，有蠔，墨魚滑，脆肉鯇，蝦，青口，蜆，各款海鮮都新鮮唔會霉。
其他任食類有安格斯牛小排色水肉質都唔錯，唔似其他任食火鍋既牛肉肥多過肉又有瘀色。我地都食左3，4碟。
黑毛豬肉片都唔會柴，之前睇過其他食評見丸類麻麻地，但食過墨汁墨魚丸，魚蛋都幾高質，墨汁墨魚丸彈牙有小小墨魚粒，魚蛋微彈唔會鬆拋拋。燕皮餃同雲吞都幾足料，好生麵爽口彈牙無鹼水味，平時打邊爐都少食麵既先生都主動話要叫多個
冬瓜，娃娃菜都幾甜，苦瓜上枱時有點乾但對味道係無影響既。
最後有紅豆什果涼粉沙冰，食完熱辣辣既打邊爐再食凍冰冰既沙冰降下溫，正
2位男侍應都幾好服務，主動攞bb凳來，會提醒幾時食得雞煲，收碟亦勤快。
大帝都幾滿意，佢食左幾多安格斯牛小排同黑毛豬片，仲有生麵。
不錯既雞煲同火鍋食材，訂位先有鮑魚雞煲，記得要訂位。
張貼
