熊小館

營業中

休息中

收工過嚟行下加食晚飯，見佢幾cute 就入去試下，周圍都係熊仔🐻🐻🐻有兩個二人餐，係決定唔到食咩好之下就揀咗其中一個二人餐，套餐A $298。個餐包咗湯＋牛油法包 x 2，之後嘅選擇我地就揀咗法式香草牛油焗田螺，美國安格斯牛肩扒同芝士焗忌廉菠菜龍利柳飯，仲包兩杯餐飲。仲加咗一個小食白酒忌廉煮藍青口 $68今晚係菇湯，唔係唔好飲，就係罐頭湯嘅味。先講下兩個小食，田螺一般但d薯蓉唔錯，青口份量都多但細隻，普普通通。兩個主食就幾好，牛肩扒幾大塊，唔會過熟仲有肉汁，但配菜d薯條就唔掂喇。最後個菠菜龍利柳飯，一上枱已經幾香，冇諗過係炒底，正。d野食份量都大份，個餐都抵食嘅。