村爺爺車仔麵 (已搬遷) 新店位置

之前見到雜誌同埋網上介紹新出左用龍蝦做車仔麵，再加上自己之前嚟食過，所以今日咁啱經開呢一頭就再嚟食，首先喺門口揀食乜嘢，揀餸，麵落order，之後就入去搵位坐低等，特登嚟呢度就係試新出嘅龍蝦車仔麵，好抵食＄58 ,本身諗住咁平都冇乜期望，點知一嚟到聞到陣龍蝦味幾香，佢碗麵有半隻龍蝦，首先飲一啖湯，比較稀身，但係飲得出有龍蝦同膏嘅味，幾好飲，而且應該冇落味精，因為飲完都冇口渴，但麵就徧淋身，龍蝦肉亦有少少韌，不過幾十蚊，仲可以有乜嘢要求啊，都算係咁，佢仲細心咁提供開殻既鉗同埋濕紙巾俾你，車仔麵都有咁既服務，呢下抵讚。