真秘鍋 (已結業)

作為真秘鍋嘅忠實fans，黎咁多次點得最多嘅都係「九五之尊」龍蝦鍋，湯底超級鮮味海鮮味超濃！每次打邊爐之前都一定要飲一大碗，最正嘅係呢度加湯係會加返原汁原味龍蝦湯，唔係加滾水👍🏻👍🏻一直保持水準，非常之有誠意。作為海鮮迷點可以唔點近一個豪華海鮮拼盤😍用呢個龍蝦湯淥就最夾最perfect。日本元貝同南非鮑魚全部都真係手掌咁大隻！啲海蝦腳全部都郁郁吓超生猛，啲friend都話除咗入到西貢鯉魚門嗰啲，都好少見咁大隻咁高質嘅海鮮，認同我真係冇介紹錯呢間火鍋店！😆悶左咁耐難得一班朋友出嚟聚下，決定食餐好，除咗海鮮拼盤，仲點左象拔蚌刺身，都係新鮮高質，食咗咁多海鮮雖然花費高咗少少，但確實係非常之咁滿足！未影相就已經就嚟食晒