真秘鍋 (已結業)

見到朋友啲相幾靚 咁就去訂位試下 見到75折 幾抵咁 電話confirm booking 時說要付現 … ok no problem 人入去攞位要落樓梯 已發覺條樓梯都幾污糟 心感不妙…落到去 全間店得兩枱（加埋我）…叫咗個椰子雞 + 麻辣鍋先講湯底 啲網友講到幾咁好味椰子果邊 一啲椰味都冇；雞 我已經襯剛熟即食雞比最嫩果度 但都係好鞋口 雞胸更加唔洗講；麻辣 一啲都唔辣 我叫中辣嘅；麻 更加係完全零 有冇搞錯？值啲乜收我每邊$168？食物 叫咗：魚皮：再炸嘅 都ok 脆嘅 水餃：散嘅 雪藏味又重墨魚丸：有彈性 但冇乜墨魚鮮味牛肉：最離譜係呢碟 我叫最貴果碟唔知咩頂級牛小排 $438 黎到細細碟都算 好味就得 但睇清楚 塊塊厚薄不一 刀/片工極衰 夾一塊去淥 一淥就變灰 就知一定鞋口；食落口 點解可以零牛肉味 鞋到爆 我問待應 佢地係咪拎舊肉去浸住水去解凍；佢當然話唔係 大佬 啲肉出晒水 鞋過乜 食落零肉味 你當我第一日打邊爐咩…桶蠔：最搞錯 係落咗單 一直無黎 過咗好耐問待應 佢先話今晚無貨 我話 我落咗單你唔講嘅 佢只話 無晚係無返貨….最好味 係鴨血 食落似真 鴨血嘅應該…菜：叫

收工喺尖沙咀打個邊鑪，呢間火鍋店可以唔使10點就即刻走，所以我放工去食時間啱啱好，booking咗8:30後入座，有七折🎉夏天想打邊爐，又想清清地，揀咗個素翅冬瓜盅湯底。金華火腿香味農，好似喺屋企飲阿媽靚湯咁。又有分時段優惠，唔同時間有唔同優惠，同同事嚟或者同屋企人嚟都好方便，早啲食同夜啲食都有七折。麻辣小龍蝦，最愛呀，但係唔記得同佢影相😂我好鍾意真秘鍋嘅麻辣，冇出面咁多油，又夠香，小龍蝦入面仲有年糕，入晒味，正呀！環境乾淨衛生，坐得舒服

想喺尖沙咀打邊爐都去開真秘鍋鐘意佢有房，雖然local路線但私隱度高作為熟客仔都食過晒佢啲嘢咁滯見到新湯底，有新野要試一試夏日冬瓜盅鍋湯清甜，雞嫩滑唔錯，最鐘意係有大半個冬瓜我會等滾到淋哂之後，將冬瓜壓成蓉，融喺湯入面呢個食法正手打丸拼盤新鮮手切牛鐘意淖二十秒食得打邊爐打到最尾一定要食菜同靚女主任傾開計話好耐都冇寫OpenRice食評嫁啦係見主任你靚女先幫你寫咋！講笑姐，作為熟客仔食開有新野就梗係幫手推介下啦記得hold間vip房俾我啊！

本身今日諗住去試吓呢一間打邊爐，一入餐廳，已經覺得好似入咗溜冰場一樣，個地下勁滑，好多油。之後叫咗白雪玄鳳湯底，一開始冇乜為意，睇睇下唔對路，全個鍋入面有好多一點點野，望真啲全部都係蟲，仲要游緊水郁緊！佢啲藥材全部變咗，儲存不當令到生蟲，但係仲咁樣俾客人食，衛生情況有好嚴重嘅問題。

一向都好鍾意打邊爐今次就去到呢一間身邊朋友都推薦的的九五至尊龍蝦湯呢個湯底係由原隻波士頓龍蝦新鮮煲出嚟遠處已經聞到好香嘅味道而且驟眼睇見到湯底金黃香濃當然食之前建議要飲返兩碗先最鍾意呢度好在之後加湯都係加返濃郁嘅龍蝦湯而唔係坊間用嚟加嘅滾水可以Keep住湯底味道一樣一直都食得咁滋味而象拔蚌刺身$888/磅我哋就揀咗隻1.5磅大約價錢都只係千三蚊到重點係好新鮮佢嘅質素好過好多地方經理話呢隻係加拿大A蚌出面好多餐廳都係入平貨用加州蚌所以呢度貨真價實另外我要推介即炸響鈴係餐廳自己製作即叫即炸而且蔬菜拼盤豐富餃子拼盤手工制有誠意自家製食落去特別唔同呀！

好耐無同朋友食飯朋友提議去打邊爐之後帶咗我去尖沙咀亞士厘道地庫的一間火鍋店打邊爐呢度門面低調但聽講湯底非常滋補用心我地叫咗一個鴛鴦鍋一邊係花膠雞湯底大大塊花膠同新鮮雞件好想即刻飲返啖湯先另一邊係鮮菌湯底有鮮菇、冰豆腐兩邊湯底都夠哂白一上鍋已經聞到好清香嘅湯底味手切牛肉必食手切牛肉，好香濃牛肉味，一啲都唔「鞋」黑柏葉唔係好多地方有嘅黑柏葉好乾淨，大大片，好爽口黑毛豬一睇就已經見到油花均勻，肉味香濃最值得一讚係打邊爐中途都係加返我哋點嗰款湯，唔係加水，唔會越打越淡正！

約埋朋友想打邊爐，約咗喺尖沙咀，諗起之前食過真秘鍋，打電話去訂位話雖然我哋人少少，但我哋想點兩個鍋，經理即刻安排圓枱俾我哋。秘製麻辣鍋拼椰子雞湯麻辣鍋係台式麻辣，所以辣得來唔會嗆喉，我哋點鐘辣夠晒，入面嘅鴨血係我哋至愛。至於椰子雞，侍應想湯底時，喺我哋面前倒下即開椰青，成個湯底都係用椰青水冇加水，非常清甜。花膠雞湯拼鮮菌湯花膠雞湯之前食過，水準保持到拼個菌湯清清地用嚟淥菜。手切鮮牛肉，顏色夠新鮮，牛肉味幾重。黑毛豬片爽脆，好快俾我哋KO一碟。牛柏葉處理得唔錯，錄完唔銀，丸餃拼盤自家製，例牌飽肚必點。今次再返去服務都唔錯，加湯及時，只係後半段侍應有時太忙要叫佢，其餘時間都會主動問使唔使加湯。質素穩定，行開尖沙咀想打邊爐下次都可以再食。

同朋友聚會就想打邊爐夠滿足選擇多，乜都可以食下同埋打邊爐唔知點解特別有氣氛我地幾個都鐘意椰子雞湯底，估唔到有4-5個個椰青係我地面前即開，呢個成本都幾高，湯底夠鮮甜，充滿椰青原味，非常回味雞都夠滑夠多，唔會鞋口！牛肉就試頂級牛小排，雪花❄️紋路清晰，唔會太肥或者太瘦，油脂含量正好另外試埋其他配菜，有炸芋頭，熱辣辣地上黎夠惹味！花膠都可以配上湯底，夠養生又好味，同埋吸收湯汁，更加有鮮甜無比鵪鶉蛋係我朋友既最愛，夠滑夠多而我自己覺得新鮮日本淮山，可以有湯底既鮮甜味道又夠入味，正！服務態度好，加上主動收野同埋介紹，坐得舒服，價錢適中，可以再黎！

星期六想係屋企陪屋企人食好D但佢地唔想出門最後試下朋友推薦既餐廳試下返屋企打邊爐啦，更加抵食外賣都多選擇，六人套餐好多野食湯底係花膠雞湯底，打開好大舊花膠仲有雞，雞湯夠養生，屋企人好鐘意點可以唔食牛呢！手切牛肉五花子就夠牛味，而且唔會好肥，好驚肥牛既肥膏⋯⋯手切牛肉牛脖仁係媽媽最愛，入口容易而且夠重味，唔會鞋！牛小排就係我最鐘意多膏鵝腸夠肥美，而且配上辣醬料好有四川風味既感覺仲有配料鴨血，超級滑而且新鮮，唔馬虎，食完仲想食驚唔飽仲有手工制丸餃，選擇夠多送豉油蔥蒜辣椒，唔洗自己準備配料！

九五至尊龍蝦🦞湯 ，新鮮波士頓龍蝦煲，仲要係原隻上， 啖啖肉，又有超級香濃嘅龍蝦味😍😍未開始放其他食物落鍋之前，建議大家都可以好似我咁，先飲一碗龍蝦湯， 冇油又鮮甜🥰🥰極上牛肉拼盤🐄🐄有牛小排、A5和牛、雪花牛粒、牛舌、牛肩肉等。好靚好多唔同部位。食得火鍋，一定唔可以唔點牛❤️A5和牛嘅油脂分布得好均勻😋入到口超級滑😋而我最鍾意嘅牛肩肉，更加係冇得輸☺️好重嘅牛肉味之餘，唔會有牛筋咬唔郁👏🏻👏🏻仲要加埋啲金箔睇嚟更加矜貴，打卡呃下like 都唔錯👍🏻👍🏻象拔蚌刺身店選購的係加拿大蚌，價錢唔算平888一磅，但真係好食過一船平貨加州蚌好多,刺身點芥末豉油食又得，帶出嘅鮮味好醒神🔥落鑊輕輕碌一碌再食，口感爽口之餘，更加帶出甜嘅海鮮味😋😋日本馬糞海膽，朋友提前預訂個人口味，鍾意加啲Wasabi，再放落紫菜，唔落豉油食，味道更加齒頰留香🥰🥰總結服務好好，中途加湯唔係加滾水，係加返原汁原味嘅龍蝦湯，呢個非常加分

每次我哋幾個女性朋友去打邊爐都會食單點食物非放題式，所以價錢都係接受到每位$500以上，重點係地方乾淨、食物好味道！今次最後埋單每人承惠$900，整體來講價錢算貴！食物質素方面，象拔蚌一磅半要$1400，但係已經係呢一餐最好味嘅食物…因為新鮮！花膠雞湯底有幾塊玫瑰花瓣好似靚靚，但實質同其他桶蠔、貴妃蚌、都冇咩味道。可能疫情關係，工作人員多過客，所以大致上一有需要即刻有人跟進。海鮮、飲料冇折扣明白；但係竟然埋單嘅時候先至講因為其他食物七折，所以只收現金！現今電子貨幣咁流通，竟然仲係要用現金付款…我會覺得有點兒那個！（帶唔夠現金你話幾尷尬！）如果純粹搵好味道食物，呢間可能未必啱我！

又可以食飯又可以唱k一舉兩得獨立房間可以自己圍埋食飯實左太好了！我地叫左鴛鴦湯底，一個一定有麻辣，叫左個中辣，而另一個我地就揀左花膠雞，花膠湯一定要飲左先再加嘢，如果唔係就飲唔到佢個味道嫁啦，啲雞勁滑，至於麻辣唔洗講，加埋個qq粉索哂啲湯味好正，一嚟我地就叫左個炸餐肉，好香口！九菜餃好味，蘿白佢切到好薄好快就熟透同入哂味，竹笙更加啦不過重點都係個鴨血，係台灣嗰隻味道煙煙韌韌😍墨丸都好彈牙，整體簡直無得彈！仲要叫多兩枝prosecco🙈唔夠喉

🌹尖沙咀足料玫瑰花膠雞火鍋🍲貼心地浸一陣就會幫你將隻雞撈番曬上黎斬件上枱！🐓肉質超嫩身～.𝙵𝚘𝚕𝚕𝚘𝚠 @𝚑𝚔.𝚏𝚘𝚘𝚍𝚖𝚊𝚙 𝚏𝚘𝚛 𝚖𝚘𝚛𝚎 𝚏𝚘𝚘𝚍🍽.2個人嘅話淨係食撈起果隻雞都飽左半🤣花膠有咬口！湯底雞味香濃～不過食落去就無話好滋潤嘅感覺同埋食完都有啲口渴..配料方面都唔算太貴！而且個份量都好大份～如果有得叫半份就好喇🤰🏻牛肉肉質鮮嫩 油脂分佈也很平均喔🤎蔬菜類都新鮮清甜！今次無嗌響鈴叫左炸豆皮一樣好食🥰下次想試下龍蝦湯底唔知仲有無呢(⊃｡•́‿•̀｡)⊃環境方面枱與枱之間都有啲距離～而且喺地庫位置比較隱蔽 人流唔會太多😎另外留意番𝚘𝚙𝚎𝚗𝚛𝚒𝚌𝚎 訂位 唔同時段都有唔同嘅優惠喔！

天氣涼涼地，約埋幾個舊同學聚會，約喺尖沙咀我提議不如食真秘鍋打邊爐啦。週末好難book房，見係平日即日打去book，好彩book到。book 火鍋K房$500位最低消費，有得打邊爐、酒飲、有房坐、有K唱食完飯唔使轉場去酒吧或者Red Mr，個價錢大家都接受到點左招牌嘅龍蝦湯底九五之尊，金黃色嘅濃湯好吸引，湯滾起之後，新鮮波士頓龍蝦有侍應幫我哋剪開埋另外上碟俾我哋，好細心。我唔識飲酒，同行幾位男同學叫咗一支細支裝清酒，話呢度嘅酒水幾價錢合理。幾個食肉獸狂點牛肉，有手切牛肉同埋豬牛羊拼盤。手切牛肉肉味濃唔鞋自家製手工丸拼盤水準合格，唔係食冰鮮丸。果然天凍左打邊爐係好feel啲

慶祝生日，以往多次都係吃中菜，今次屋企人决定試下吃呢間新開嘅火鍋店，我哋嗌咗人參鷄同埋藥材魚頭雙拼湯底， 分別飲咗湯底各一碗 真係非常之正 味道好濃， 海鮮拼盤好新鮮， 仲有我最鍾意食嘅貴妃蚌又甜又爽口，餃子拼盤同埋丸拼盤都係 即嗌即做味道另舍唔同， 個牛肉都好食到不得了，以前吃過好多唔同火鍋，覺得今次呢間鋪嘅品質真係最上乘而且價錢又唔貴， 尖沙咀行完街從海防道穿過去兩分鐘 到達亞士厘道呢間舖 非常之方便， 聽我囡講有好多明星去幫襯㗎，希望下一次去食可以遇上明星就更加開心囉。😋😋😋