81
36
9
等級4
2008-06-27 62 瀏覽
對於樂口福的印象, 一向也係江湖味幾重的, 那條龍鳳同埋那個喜字, 係不少電影也出現過, 好像槍火, 天行者, 大丈夫2等等. 幾年前的一局至今, 也好久沒有來探這老朋友. 始終這些菜色, 沒有那麼多人, 也不便點菜. 難得惡男搞了局, 馬上報名, 也再此重溫這潮州老店的出品.上次的局只有12人, 是晚就有成34人, 坐係兩臺, 實在幾逼, 但也無損大家的興致. 始終有好吃的東西, 環境並不是最重要的. 小弟遲到, 剛坐低就馬上要為條鳳拍照留念, 喝杯紅酒, 也正式開始是晚的飯局.錦鏽大四拼: 9分, 這是為龍鳳配, 小弟的那臺, 係鳳臺, 隔離臺的就係條龍, 這個擺設, 夠傳統, 也夠壓場. 鳳底下的四拼係蝦丸, 帶子, 家鄉菜頭卷同埋寸金花枝卷. 先吃兩個炸物, 不算太油, 香口的. 當然, 係對寸金花枝卷比較有印象, 始終難得吃到. 剛好還有件小小的帶子, 也爽口的. 當然, 另一個難得吃到的係家鄉菜頭卷. 蘿蔔, 鮮魷, 海蜇夾埋一齊, 醋漬後帶點酸味但又幾清新, 吃點酸酸的開胃, 也為跟著來的菜色作好準備.錦繡石榴雞: 10分, 十七隻石榴雞放係同一隻碟到, 相當壯觀. 也不
更多
對於樂口福的印象, 一向也係江湖味幾重的, 那條龍鳳同埋那個喜字, 係不少電影也出現過, 好像槍火, 天行者, 大丈夫2等等. 幾年前的一局至今, 也好久沒有來探這老朋友. 始終這些菜色, 沒有那麼多人, 也不便點菜. 難得惡男搞了局, 馬上報名, 也再此重溫這潮州老店的出品.

上次的局只有12人, 是晚就有成34人, 坐係兩臺, 實在幾逼, 但也無損大家的興致. 始終有好吃的東西, 環境並不是最重要的. 小弟遲到, 剛坐低就馬上要為條鳳拍照留念, 喝杯紅酒, 也正式開始是晚的飯局.

錦鏽大四拼: 9分, 這是為龍鳳配, 小弟的那臺, 係鳳臺, 隔離臺的就係條龍, 這個擺設, 夠傳統, 也夠壓場. 鳳底下的四拼係蝦丸, 帶子, 家鄉菜頭卷同埋寸金花枝卷. 先吃兩個炸物, 不算太油, 香口的. 當然, 係對寸金花枝卷比較有印象, 始終難得吃到. 剛好還有件小小的帶子, 也爽口的. 當然, 另一個難得吃到的係家鄉菜頭卷. 蘿蔔, 鮮魷, 海蜇夾埋一齊, 醋漬後帶點酸味但又幾清新, 吃點酸酸的開胃, 也為跟著來的菜色作好準備.

錦繡石榴雞: 10分, 十七隻石榴雞放係同一隻碟到, 相當壯觀. 也不是第一次吃石榴雞了, 但要數是次的最為出色. 石榴雞係用蛋白做的皮包著雞肉, 馬蹄等等, 再用芹菜綁起, 手工相當精細, 口感豐富, 真是皮薄餡靚. 賣相也細緻, 除了件石榴雞之外, 仲有粒磨菇同豆角, 紅紅綠綠, 也幾搶眼.

潮州荷包炆鱔: 10分, 上一次來吃也有吃過這個荷包鱔, 但係好多骨, 也比較腥. 是晚再吃, 係滿意了好多. 白鱔已走骨, 相當肥美, 沒有腥味, 加上點點金華火腿粒同埋冬菇粒, 相當豐富的味道, 但也不會太過杰身. 之前吃過其他店的荷包鱔, 酸菜葉係相當之鹹的, 這裡就沒有這現象, 加上無骨, 見不少食友係直程成件荷包鱔原汁原味地吃光. 小弟留力, 也吃了不少酸菜葉, 淋淋的, 好易入口.

竹紗蟠龍卷: 10分, 好戲一浪接一浪, 荷包鱔之後來的係竹紗蟠龍卷. 又係十七件蟠龍卷放係個超大的碟上. 大家也討論過這菜色的名字, 小弟的想法就覺得薄薄的竹笙加上芡汁, 正好像美女被層竹紗蓋著面容, 朦朦朧朧的, 隱約見到入面的面容, 但又不能看個究竟的感覺. 至於我們, 當然係將件蟠龍卷放入口先算. 蝦膠, 馬蹄被竹笙包著, 蝦膠鮮甜, 清新的竹笙就好像減低了那份俗氣, 也係相當滿意, 滿足.

四寶燉元肚: 9分, 又係另一個功夫菜. 四寶即係蓮子, 薏米, 茨實, 元肉, 把這四寶釀入去豬肚燉湯. 上臺係個大大的煲, 伙計就係我們面前切開個豬肚, 入面的四寶再分給大家, 實在太多料了, 小弟也吃不得太多, 只係吃了點點蓮子同薏米. 至於個湯, 係好入味, 但係嫌下了比較多胡椒粉, 或許小弟不太喜歡胡椒, 喝完碗湯, 總覺得差一點點.

吃完四寶燉元肚, 飽了一大截, 也吃完了慢吃的宴客菜部份, 接著就係一湧而上的家常菜.

普寧豆腐: 5分, 炸得相當之乾, 但係不香口, 豆腐不夠滑, 也沒有甚麼豆香了. 賣相也係相當隨意.

荔芋香酥鴨: 7分, 比起普寧豆腐較為出色, 鴨肉起骨後跟上芋頭一齊炸, 都幾香口, 但係炸得偏油, 也吃不到芋頭香了.

潮式炸大腸: 7分, 一連三項炸物, 以這個炸大腸最好, 薄薄的, 幾香脆. 不過走肥, 或許令到大家不太滿意了. 也當然, 吃不肥的大腸, 還有甚麼意思?

潮汕芋頭烙: 5分, 蛋漿實在太薄了, 好像係剩吃芋頭而不是芋頭烙了. 芋頭切成一條條薯條狀似的, 賣相也求其, 大家也用行動來抗議.

春菜煲: 8分, 吃完一輪煎炸食物, 終於有個緩衝區, 來了個春菜煲. 一大煲都係以菜為主, 加上點點肉, 不過小弟都係吃完一轉再吃一轉菜好了, 也好鮮甜. 奇怪的係大家對這煲菜也係無乜意欲去吃, 看來大家實在太飽了.

蠔烙: 6分, 再來一個蠔烙, 比起芋頭烙係好一點, 起碼看上去係多點蛋漿, 但係賣相也係不太對辦, 吃上口也沒有蠔的鮮味.

家鄉炒魚麵: 6分, 也有一碟填肚的炒魚麵, 麵條不太彈牙, 薄薄的, 口感一般. 隔離臺好像無乜人去吃碟麵!

半煎煮馬友: 6分, 轉到小弟面前已經差不多給大家吃光了, 只係吃了小小的一點魚肉, 實實的, 幾老, 也吃不到半煎煮的味道了.

反沙芋: 8分, 砂糖扣在芋頭上, 不算太甜, 有芋頭香.

白果芋泥: 8分, 只要了三碗大家分吃. 芋泥夠滑, 加上白果, 淺吃兩口, 幾滿意.

前段的宴客菜水準高, 吃得到也係難能可貴, 即使後段的家常菜不太對勁也沒有大問題了. 對於這些傳統菜色, 有機會吃, 也係不能錯過的. 再一次謝謝惡男的安排, 也謝謝大家的酒. 期待下一局再吃過.
錦鏽大四拼
114 瀏覽
0 讚好
0 留言
錦繡石榴雞
89 瀏覽
0 讚好
0 留言
潮州荷包炆鱔
93 瀏覽
0 讚好
0 留言
竹紗蟠龍卷
83 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$220 (晚餐)
推介美食
錦鏽大四拼
錦繡石榴雞
潮州荷包炆鱔
竹紗蟠龍卷