鼎家喜筷 (已結業)

去完荃灣西探朋友，行陣街又唔想返屋企煮飯，就睇下附近有咩好野～見到餐廳設計時尚食燒味飯咁得意就入去睇下，原來係鼎爺新主理既餐廳，立即心裡加分，不過都要食落口先係最真實既評價😁估唔到佢地食度食燒味都有沙律食，最估唔到係個沙律醬係甜醬黎架，但又出奇地夾喎～招牌溫泉四寶飯，包括柑橘燒鵝、义燒、燒腩仔和溫泉蛋柑橘燒鵝、义燒油色光靚。少少肥既柑橘燒鵝好juicy, 又唔蘇👍🏻佢地用左柚子醬代替酸梅醬，好有自己特色又做到梅子醬既角色～义燒肉香又甜又唔鞋。燒腩肉嫩juicy,咸度適中，最緊要係皮夠脆！涼拌麻辣蒜香手撕貴妃雞撈丁一上枱，隔住個口罩都聞到佢既麻辣蒜香，令人食拍指大動，當然立即除口罩消毒雙手開動啦！貴妃雞肉滑，再配青瓜絲、紅蘿蔔絲，仲有唔係好多人懂用既梨絲，真係鼎爺先會懂得運用👍🏻👍🏻爆脆金沙魚皮超多咸蛋，每一下都卜卜聲，脆得黎又唔肥膩👍🏻燒味夾膜雙拼 （燒鵝、义燒）感覺就好似食緊北角填鵝咁，外面既夾膜軟綿綿夾著帶有油脂既燒鵝，好香架，加片青瓜中和一下，prefect~而另一款义燒都唔錯，一定要趁要食先最香最好味！熱黑芝麻奶茶超香芝麻味，上面一層經過雙重烘炒既香濃既芝麻泡，每一口都咬到芝麻