影片
更多
2016-12-22
142 瀏覽
今次同班朋友去左尖沙咀間Burgeroom食dinner, 8點鐘去到, 等左十幾分鐘先有位, 如果下次要去建議book位會好少少。入到去見到右手邊角落有個吧檯，位就唔多，不過都整得幾靚，想特別d可以試下坐。侍應安排左我地坐卡位，覺得整體環境都幾暗，唯獨每張檯都有好充足既燈光，呢個設計會令人更加專注於自己張檯，亦能提升私隱既感覺。我自己叫左杯奇異果汁，龍蝦漢堡，同埋芝士薯角。大家都叫左唔同野share食。杯奇異果汁都幾大杯，飲落去唔會太酸，都幾好飲，食burger最緊要就係整杯果汁refresh下。佢全部漢堡都好大份，size大約係一般漢堡包兩倍以上，加上我覺得呢間用既食材都唔會差，所以都算幾抵食。我今次叫既龍蝦漢堡個碟上面有成個龍蝦頭，應該係想俾人知道每個龍蝦漢堡都用左一隻中size龍蝦，記得食之前影返張蝦頭相紀念下。一打開個漢堡，就見到好多龍蝦肉係中間，夠我同幾個fd share, 啖啖肉，肉質都算爽脆鮮甜，食得出係即叫即整，龍蝦肉下面係激量既牛油果醬，好香好清新，再下一層係厚厚既番茄，夾埋一齊食甜甜酸酸都真係好有層次。個芝士薯條好大盆，上面舖滿一層熔化左既車打芝士，幾乎每條薯條都
我自己叫左杯奇異果汁，龍蝦漢堡，同埋芝士薯角。大家都叫左唔同野share食。
杯奇異果汁都幾大杯，飲落去唔會太
酸，都幾好飲，食burger最緊要就係整杯果汁refresh下。
佢全部漢堡都好大份，size大約係一般漢堡包兩倍以上，加上我覺得呢間用既食材都唔會差，所以都算幾抵食。我今次叫既龍蝦漢堡個碟上面有成個龍蝦頭，應該係想俾人知道每個龍蝦漢堡都用左一隻中size龍蝦，記得食之前影返張蝦頭相紀念下。一打開個漢堡，就見到好多龍蝦肉係中間，夠我同幾個fd share, 啖啖肉，肉質都算爽脆鮮甜，食得出係即叫即整，龍蝦肉下面係激量既牛油果醬，好香好清新，再下一層係厚厚既番茄，夾埋一齊食甜甜酸酸都真係好有層次。
個芝士薯條好大盆，上面舖滿一層熔化左既車打芝士，幾乎每條薯條都沾上芝士，食落口唔油膩，應該係用焗爐整既，我自己一個都包辦左唔少薯條，雖然好罪惡，但有好野唔食，先係罪大惡極。
今餐都幾滿足，下次去我會整下坐吧檯。
張貼
