潮福蒸氣石鍋 (已結業)

今日早放工，早啲食飯唔使等位，就同同事殺上潮福食海鮮，海鮮係我嘅至愛， 最鐘意食就係亞拉斯加蟹，貪佢夠多肉！今日店長推介就係呢隻蟹啦！中正下懷，不過唔知有幾大隻，同埋都應該都唔平，走去睇睇先，佢話一隻約四斤重......喂，幾錢先得架？？？ 佢答我$488...,咩話？ 無錯， 係$488！嘩，末聽過咁平，梗係要開隻食啦。 上枱分開三 Part, 蟹蓋，蟹身，蟹腳，先食蟹蓋先，蒸左十分鐘，啲膏多到呢..... 入口甘甘甜甜，吃完仲有陣陣鮮味係味蕾上 ，不過要忍一忍口，經理教落，留反啲膏最後放埋落啲粥底道。跟口吃埋其他，蟹腳啖啖肉，鮮甜至極，原來呢隻蟹蒸來食係咁好食！最後食埋個蟹粥，完美飯局。不過一枱只限一隻，唔夠喉^^。想訂定星期六同屋企人來食， 原來星期一至四先係$488一隻咁平，五六日要$788, 不過咁大隻，其實都唔過份，應該好快會再來食。