一鍋豐 (已結業)

上星期同朋友一齊嚟打邊爐，會選擇呢間完全係因為呢度竟然有川芎魚頭鍋！！！要食川芎魚頭已經好難搵，仲可以打邊爐一定要試！！我地點左象拔蚌海鮮套餐, 呢個套餐可以任飲啤酒紅白酒，又可以點川芎天麻大魚頭鍋，仲有七款海鮮，幾抵藍妹任飲侍應首先俾咗呢張刺身紙，叫我地叫住刺身先。我點左少少，有白肉豚食赤貝好爽口，白肉豚都算幾肥美，而且帶點鮮甜主角川芎天麻魚頭煲，真係成大個新鮮魚頭而且藥材落足料, 連個湯我都忍唔住飲咗兩啖，未到唔淡，係川芎湯味。七款海鮮有鮑魚、生蠔、象拔蚌、聖子等等都幾新鮮彈牙蠔要滾一滾，食得出係新鮮嘅，無乜腥味/苦味。呢度令我最驚喜嘅係安格斯牛小排都任食！！平時百幾二百幾蚊先食到一碟，而家係任食，本來以為佢求其搵啲肥牛敷衍我，點知花紋勁靚食落口好嫩滑！！ 我自己食左3碟，真係必點呢度其實有好多回本位，例如有白鱔、珍寶帶子、蜆、花膠仲有雪糕機，雪糕係我最鍾意食嘅軟雪糕，軟滑蜜瓜味重呢餐兩個人＄500，好抵俾！