鋿晶館

營業中

休息中

即點即製點心鋪平時出街都係食西餐廳，今晚就試下呢間新開既點心鋪。呢間點心鋪裝修同傳統的大不同，佢除左重視傳統中國茶道，有好多款茶葉選擇，同時兼備西式風格的裝潢，鋪面燈光光猛、乾淨企理，呢點加分。點心方面，個人偏好傳統點心，點左鮑魚燒賣、叉燒腸粉、鮮蝦菜苗餃、老爺鮮蝦腐皮卷、月半彎鮮蝦餃最想推薦係鮮蝦腐皮卷，食得出真係即叫即炸，好爽脆又足料，呢個出面都少有得食。另一個想推薦係鮮蝦菜苗餃，都係好足料，啲蝦好鮮甜，味道唔錯。最後，當然要試下佢啲甜品，就揀左好少食到既芝麻糕，味道好香芝麻味又唔甜，飯後甜品，呢個選擇唔錯，大家不妨一試！