唐宮小聚 (新港中心)

營業中

休息中

好耐冇出去飲過茶，呢度原來有齊我鍾意嘅飲茶點心加麻雀。😆 首先一定要講我最鍾意嘅麻雀，呢度竟然用椰汁糕做咗差唔多一副十三么出嚟，非常過癮，而且都真係好好食，椰汁味清香唔會太甜。店員話呢度嘅招牌菜係燒乳鴿，我就好少中午飯食乳鴿不過就即管試一試，味道都確係唔錯。我唔鍾意食辣，但係老公就好鍾意，我以為呢度主要買點心但係老公話水煮魚竟然非常有水準。呢度所有嘅點心造型都非常之精緻，可愛。呢個好似山竹咁嘅裏面其實係蟹肉忌廉，都幾好食㗎。價錢合理，帶小朋友嚟應該會好開心。