鋿晶館

營業中

休息中

呢間位於旺角嘅點心店夠晒平民，多款點心選擇，而且價錢合理，所以平日下午去都滿座。叫咗煎釀茄子，呢個茄子非常之大件，而且充滿魚肉，炸過夠晒香。叫咗個蟲草花螺片雞湯，個湯熱辣辣，而且好足料，夠晒濃味。呢度竟然有炸蟹鉗，真係好耐冇食過。一份有三件，每個蟹鉗脹卜卜，炸得金黃好味。飲茶又點少得燒賣呢？呢度有鮑魚燒賣，一份有兩粒。鮑魚幾彈牙，成個燒賣矜貴咗。金錢肚夠晒醬汁，而且幾腍幾好食。另外叫咗個鳳爪排骨飯，細細盅，兩個人食少少幾好。甜品，叫咗炸芝麻煎堆。入邊嘅芝麻好似忌廉咁，芝麻味香濃。