太漁 (已結業)

今日星期日，去咗銅鑼灣Shopping，都中午肚仔餓，諗起上次食酸菜魚都唔錯嘅太漁，因為佢有點心食，所以就想去試一下！叫咗個（紫薯天鵝酥）賣相真係好可愛，食落都唔錯， 飲茶蝦餃冇得走，都係同黃埔食嘅一樣咁大隻，但呢邊居然有迷你菠蘿包食，仲係熱辣辣，正👍🏻跟住叫咗個金雞鹹水角、麻辣豬肚絲、仲有酒糟醉海螺，居然仲有小菜客飯，朋友點左個椰菜花炒鹹肉，佢話正，總括嚟講太漁可以講係靠得住！跟住最驚喜嘅係望去窗邊， 外邊有個花園仔原來可以出去食枝煙， 呢個對於我同朋友係最開心見到嘅，唔使走去後樓梯或者落街！以後係去銅鑼灣搵嘢食，我諗一定會去幫襯佢啦😂