常滿百家菜

營業中

休息中

星期日午市任食點心無限時都只係$95加一，價錢真係好抵！但當日一點半去到竟然唔駛等位，現場所見亦都唔多人任食，到底係咪好伏呢？湯羹麵飯有11款選擇，其實我有興趣，但感覺太飽肚，所以一款都無點，亦唔知道伏唔伏。點心有19款，蝦餃燒賣幾高質，蝦夠大隻！其他點心賣相味道都正正常常，不過味精有少少重手，食完狂飲茶。小食有8款，包括叉燒，醉雞，流心蛋等，都唔錯。甜品則有6款，豆腐花賣晒，椰汁馬豆糕幾好，楊枝甘露就味道怪怪的。總括黎講，食物質素都還好，唔算伏，不過點心選擇唔夠多，如果人少少，望過點單紙啱食，都不妨去食，但人多應該同散叫都差唔多價。另外下午茶時段平$13，但就少一張落單紙（小食）。