得閒飲茶 (MONTEREY Place)

營業中

休息中

嘆下一盅兩件，到左DHYC 得閒飲茶🫖，Dimsum Restaurant。餐廳提供精緻點心及各款小菜，環境闊落坐得舒適。咁啱老闆出來招呼，順便叫佢介紹下，佢說點心絕不是交貨的，食材自己買料，在店舖制做，保証新鮮，閒談間都感受到佢對食物的熱誠，真係要比個like你啊！普洱飲得多， 加埋陳皮則第一次飲，飲落帶點甘更可口同埋消油膩感。松露雜菌餃同埋小籠包，皮薄餡靚熱辣辣，咬落有煙韌感。焗菠蘿🍍叉燒包，焗得個皮好香脆，叉燒甜度剛好，配合得很好。窩貼蝦多士，好耐冇食過，呢度有得食即刻order☺️, 蝦味香噴噴，咬落脆卜卜。椒鹽雞翼，咬開肉汁豐富，椒鹽皮不會過多，輕脆的好正。西檸雞，炸得皮香肉嫩，點入陣陣清香檸檬🍋醬汁，味道豐富。蟹肉大良炒鮮奶，呢個餸堅係盡顯廚司功架，炒得很不鬆散又香滑，食到蛋白加奶的香滑感，蟹肉啖啖都有，極之好吃😋。XO醬炒腸粉，腸粉好薄又滑，炒得夠惹味👍。食物新鮮熱辣，對住海景真係心情都好d，隔離枱帶了2只狗仔陪食，好可愛☺️。