新興食家

營業中

休息中

兩個人八個點心一啲都唔誇張。蝦餃真係皮薄餡靚，入面隻蝦新鮮。牛肉腸嘅腸粉皮都幾滑，入面嘅牛肉唔係用梳打粉醃到冇晒肉味嘅牛肉。糯米包除咗而家好少地方食得到之外，佢入面嘅糯米好香，仲係一粒一粒唔係黐埋一舊。雞絲粉卷就差少少，主要係個腸粉皮做得同以前細個食到嘅好唔同，佢啲餡都好食嘅。鳳爪就中規中矩，都幾入味嘅。炸鮮奶係咁多人之中最好食，鮮奶又香又滑，不過就甜咗少少。燒賣味道唔錯，用嘅肉質素都幾好。鵪鶉蛋燒賣又係買少見少，粒鵪鶉蛋幾新鮮。