玉桃軒酒家 (鱷魚恤中心)

營業中

休息中

又到咗同阿媽飲早茶既日子，今次決定去成棟樓都係酒家既鱷魚恤中心飲茶。阿媽揀咗玉桃軒，因為有次係果度食晚市都覺得唔錯。鮑汁花生雞腳，呢個係阿媽至愛，叫咗兩次，雞腳配上鮑汁忟得好入味，甜甜地而且d花生都好香口，食剩既鮑汁仲可以畢黎送飯。玉桃蝦餃皇，叫得做蝦餃皇當然有返咁上下，每一隻蝦餃都有差不多兩隻蝦入面，食得出蛟肉好彈牙，而且d皮蒸得好薄，即叫即蒸，咬落去勁熱要小心食唔好燙親嘴。蒜香蒸排骨好大一份，d排骨都比得幾多下，同埋蒜味都好濃。