影片
更多
2019-07-02
119 瀏覽
最近係朋友口中得知，係上環呢間中式酒樓午市做緊個$148/位嘅點心放題(茶水加一另計)，都幾特別，而上環店星期一至日都係同一價錢。之前從來都冇試過點心任食，一於今日放假同媽媽試一試。嚟到嘅時候，已經有好多人排隊，幸好職員安排都幾迅速同妥當，所以等左一陣就可以入座。呢度嘅點心款式相當之多，有50多款，任點任食。我覺得值得讚賞嘅係，落單係以件為單位，可以令我哋有更多空間去試更多不同嘅款式，哈哈。原隻鮑魚酥 & 花膠灌湯餃唔使自己落單，職員已為每位客人自動送上一客原隻鮑魚穌同花膠灌湯餃。鮑魚炆得軟腍好入味，加入煙肉同薯泥作為撻底，鬆脆嘅撻皮底，一隻鮑魚酥顯然唔夠啦，哈哈！花膠灌湯餃，湯底清甜，花膠爽口彈牙，外皮軟滑，足料豬肉餡料嘅湯餃，同樣都想食多隻。晶瑩鮮蝦餃皮薄餡靚，蝦餃皮有嚼口，餃內有豐富嘅新鮮爽口彈牙嘅鮮蝦，比平時食開隻嘅細隻。百花燒賣皇大大粒，個人覺得豬肉嘅肥瘦適中，有豬肉味，而且仲有少量蝦肉。牛肉腸粉 & 珍珠帶子腸粉腸粉蒸得幾滑，薄身，牛肉有牛味而帶子亦都彈牙，分別叫一條份量啱啱好。醬皇蒸鳳爪飲茶必點之選，而呢度嘅鳳爪好入味，同外面食開嘅最大分別係食落好有嚼頭，而唔係軟腍腍。奶
嚟到嘅時候，已經有好多人排隊，幸好職員安排都幾迅速同妥當，所以等左一陣就可以入座。
呢度嘅點心款式相當之多，有50多款，任點任食。我覺得值得讚賞嘅係，落單係以件為單位，可以令我哋有更多空間去試更多不同嘅款式，哈哈。
原隻鮑魚酥 & 花膠灌湯餃
唔使自己落單，職員已為每位客人自動送上一客原隻鮑魚穌同花膠灌湯餃。鮑魚炆得軟腍好入味，加入煙肉同薯泥作為撻底，鬆脆嘅撻皮底，一隻鮑魚酥顯然唔夠啦，哈哈！花膠灌湯餃，湯底清甜，花膠爽口彈牙，外皮軟滑，足料豬肉餡料嘅湯餃，同樣都想食多隻。
晶瑩鮮蝦餃
皮薄餡靚，蝦餃皮有嚼口，餃內有豐富嘅新鮮爽口彈牙嘅鮮蝦，比平時食開隻嘅細隻。
百花燒賣皇
大大粒，個人覺得豬肉嘅肥瘦適中，有豬肉味，而且仲有少量蝦肉。
牛肉腸粉 & 珍珠帶子腸粉
腸粉蒸得幾滑，薄身，牛肉有牛味而帶子亦都彈牙，分別叫一條份量啱啱好。
醬皇蒸鳳爪
飲茶必點之選，而呢度嘅鳳爪好入味，同外面食開嘅最大分別係食落好有嚼頭，而唔係軟腍腍。
奶皇流沙包
熱辣辣，流心嘅餡料，蛋香味足。
蒜香雞中翼
個人最喜歡嘅一款，亦都建議必點。雞翼加入左炸蒜一齊去烹飪，啖啖肉之餘帶有蒜香，非常惹味，最後每人食咗2隻。
豬腳薑
排緊隊嘅時候媽媽已經覺得好香一定要點嚟食，好足料入味。豬腳夠軟腍，唔會太肥，仲有非常入味嘅雞蛋。
見到我地叫左咁多嘅食，可想而知我地有幾飽，仲有其他不能一一介紹，蜆介鯪魚球、蒸排骨、珍珠雞等等。咁嘅價錢可以食到咁多野，而且質素仲唔差，絕對值得試一試！
張貼
