黑木亭居酒屋 (金馬倫道)

留喺香港食居酒屋，當然要揀間有特色！黑木亭居酒屋成日都有新嘢滿足眼睛同埋味蕾。本身環境已經好靚，好似去咗日本居酒屋咁，就算未買機票旅行都可以食住先，可以話係座無虛席！巨無霸蟹蓋飯用咗麵包蟹，真係超大隻，裏面仲啖啖肉，非常吸引。而且非常鮮味，配搭粒粒炒飯，更能提升香氣，可以一邊食蝦炒飯，一邊拆吓蟹肉，貼心有埋手套，工具等等方便進食。海產細味六杯方面包括有生蠔、吞拿魚蓉及海膽，款款精緻矜貴，吞拿魚蓉配沙律，鮮味十足，加上豉油醬汁，更有層次。生蠔方面尺寸精緻，一口一件；海膽方面亦是迷你海膽飯，配搭鮮味清新。另外點了幾款串燒，鴛鴦翠玉瓜、黑豚荔枝卷、豚肉年糕（韓式辣醬），幾款都好好食！鴛鴦翠玉瓜，裏面有普通芝士及辣香芝士，雙重驚喜；黑豚荔枝方面帶有鹹香，中間亦充滿甜香水份，層次滿滿；豚肉年糕方面口感特別，質感軟糯煙韌，帶有韓式泡菜辣醬香氣。飲品方面都係誠意之作，蜜桃烏龍熊茶、百香果撞橙冰配搭特別，特別是蜜桃烏龍紅茶，真係有一舊熊仔，採用蜜桃烏龍茶製成，可以一路飲一路keep住香濃茶味；百香果配搭鏟冰同樣有趣，感覺清新，亦有一粒粒百香果提升口感。環境menu