The BASE nature (已結業)

同女朋友喺荃新收工，經過荃新見到有個2人dinner set幾吸引，呢個set比起散嗌嘅set都平左唔少，份量啱啱好，而我同女朋友都中意食牛多過豬，決定試下佢嘅澳洲黑安格斯肉眼。除左有side dish烤蔬菜，仲可以自選其中一種法國灰鹽/夏威夷紅鹽/黑海鹽/煙燻岩鹽等，提升鹽嘅層次之外，更能突顯牛扒嘅味道。上到黎切開左，方便食之餘一眼就可以睇埋熟度，五成熟，M6等級嘅油脂分布已經唔算少，比例幾平衡。👍🏻主菜仲有松露雜菌米形粉配溫泉蛋，我個人好中意，松露味一上枱就已經聞到，賣相麻麻但味度出色😳跟餐仲有餐湯麵包同特飲，一d都唔hea，環境雖然係商場入面，但都舒適寧靜。