影片
更多
2010-03-22
28 瀏覽
20-3-2010有幸收到 H 老太的生日飯「黐餐」邀請, 跟了一行 20 幾人入嚟食飯. 以前幫襯過呢檔, 主要係為了佢程出返市區的免費船 , 對食物印象反而有點模糊; 不過主人家係呢度熟客, 大家就放心了. 紫菜海鮮湯: 內有大量紫菜, 蝦, 豬肉碎 etc, 幾濃鮮, 不過我覺得有點太鹹, 可以更好.西芹蜜糖豆炒龍躉球:「兩食」之一, 龍躉肉爽實, 幾鮮味, 不過調味太重手, 食落太鹹; 魚皮厚厚的, 質地爽中帶 Q, 好食. 西芹及蜜糖豆就爽脆搭夠, 味道無乜特別.雲耳芹菜紅棗蒸龍躉頭腩:「兩食」之二, 呢個味道清清哋, 帶點藥材味, 不過啜骨我麻麻, 唔講太多了. 扣南非鮑魚: 成隻手咁大 鮑魚係新鮮貨, 食落質地軟糯, 帶點黏口, 味道清甜, 幾好食; 蠔油醬汁 (?) 就稀薄了少少, 不過味道算幾濃甜, 都 ok 吧.芝士焗元貝: 蒜蓉 / 豉汁粉絲食得多, 白汁芝士焗都係第一次喺中式酒樓食芝士薯蓉焗帶子 焗得微焦, 食落芝士及牛油味都夠香, 仲「起絲」, 配埋幾香薯味及奶味 (!?) 的薯茸, 令人諗起 Amaroni's 的 potatoes au
有幸收到 H 老太的生日飯「黐餐」邀請, 跟了一行 20 幾人入嚟食飯. 以前幫襯過呢檔, 主要係為了佢程出返市區的免費船 , 對食物印象反而有點模糊; 不過主人家係呢度熟客, 大家就放心了.
紫菜海鮮湯: 內有大量紫菜, 蝦, 豬肉碎 etc, 幾濃鮮, 不過我覺得有點太鹹, 可以更好.
西芹蜜糖豆炒龍躉球:「兩食」之一, 龍躉肉爽實, 幾鮮味, 不過調味太重手, 食落太鹹; 魚皮厚厚的, 質地爽中帶 Q, 好食. 西芹及蜜糖豆就爽脆搭夠, 味道無乜特別.
雲耳芹菜紅棗蒸龍躉頭腩:「兩食」之二, 呢個味道清清哋, 帶點藥材味, 不過啜骨我麻麻, 唔講太多了.
扣南非鮑魚: 成隻手咁大 鮑魚係新鮮貨, 食落質地軟糯, 帶點黏口, 味道清甜, 幾好食; 蠔油醬汁 (?) 就稀薄了少少, 不過味道算幾濃甜, 都 ok 吧.
芝士焗元貝: 蒜蓉 / 豉汁粉絲食得多, 白汁芝士焗都係第一次喺中式酒樓食芝士薯蓉焗帶子 焗得微焦, 食落芝士及牛油味都夠香, 仲「起絲」, 配埋幾香薯味及奶味 (!?) 的薯茸, 令人諗起 Amaroni's 的 potatoes au gratin (http://www.openrice.com/restaurant/commentdetail.htm?commentid=1884855) 呢 本來的主角就淪為大茄, 食落有點嚡口及「實淨」, 相信本身品質亦麻麻, 被芝士味完全蓋過都未必唔係好事.
牛油焗龍蝦: 龍蝦肉爽實, 牛油夠入味, 不過味道比想像中輕, 而且整體我覺得焗得乾身得滯, 還是上湯焗或蒜蓉開邊蒸較啱口味.
籠仔糯米蒸蟹: 糯米飯幾硬身, 亦乾身, 帶淡淡花蟹的清甜味, 食多兩啖都唔覺飽膩, 好食 花蟹幾好肉, 不過精華落晒 d 飯度, 食飯好過啦.
蒜蓉炒白菜仔: 唔夠搶, 無得食
炸子雞: 係海鮮餐的「路過」菜色, 不過又做得唔錯 -- 勁熱辣, 皮薄脆, 肥膏少, 肉亦唔乾唔嚡, 可惜大家食到呢度已勁飽, 呢碟嚴重食唔晒.
單尾的干燒伊麵及天虹炒飯就只食了前者, 係好乾身又好香, 如果有大量韭黃就好了.
仲有壽包, 蓮蓉餡我麻麻, 包身就唔太夠鬆軟, 不過朋友似乎幾欣賞, 食了 3 個
唔知幾錢埋單, 多謝晒 H 老太及 C 氏家庭
張貼
