乾杯串燒居酒屋 (漆咸道南)

營業中

休息中

今日同朋友想chill下，想食串燒飲吓嘢。係尖沙咀附近見到一間唔錯嘅餐廳。燒雞中翼：雞翼燒到勁香脆，肉質口感啱啱好，唔會話太柴，冇晒水份。自家製芝士免治雞肉棒：非常推薦呢個雞肉棒，配埋佢個秘製醬汁同蛋，食落去口感豐富，大大嚿啖啖肉。粟米：呢個係非常特別嘅菜，粟米天婦羅再加埋沙律醬，勁香口同酥脆。出邊好少見到呢個餸。燒原條茄子伴蔥花蒜茸：鍾意食蒜蓉嘅朋友一定超鍾意食呢個餸，大大條茄子配上勁多勁多嘅蒜蓉。每一啖都有蒜蓉嘅香味。串燒：黎到串燒嘅店，梗係要叫返啲串燒，我今次叫左（豬五花，燒明太子玉子燒，頂級安格斯肥牛粒）。最深印象嘅係豬五花，有豬嘅香味，但食落又好似牛嘅口感，勁嫩滑完全唔韌。荔枝梳打 ：最後仲有嘢飲，我嗌咗荔枝梳打入邊真係有大大粒荔枝嘅果肉。