影片
更多
2021-09-23
1208 瀏覽
💛💛💛江湖小棧💛💛💛上年冬天已經想食，但係我哋唔係成日經過荃灣，同埋每次去都見到好多人排隊，所以我哋一直都無食過😂。我哋今次好好彩，排左大約15分鐘左右就有得入🥳。避風塘雞翼尖 $45好食，不過真係幾鹹吓，飲住啤酒食會好啲😂。每一隻雞翼尖都沾滿左避風塘蒜粒，好抵食，好多隻雞翼尖，同時又好食😍。錫紙花蛤粉 $103真係幾辣，我哋一路食一路飲啤酒先得😆。花蛤非常之大隻，估唔到依個價錢可以食到咁大隻花蛤👍🏻，好新鮮好清甜，仲有啲粉絲係底，啲粉絲索晒啲花蛤水，好好食😚。生啫芥蘭煲 $88又係好大份既芥蘭煲，係點菜嘅時候，我仲心諗點解嗌碟菜都要成$88 🤔。原來裏邊有埋臘肉，令到個芥蘭煲好香😌。臘腸排骨煲仔飯 $80不過不失，大煲到兩個人都唔係幾食得濟。最鍾意可以自己加豬油落個煲仔飯到🤟🏻，令到個啲飯又香又滑。同時我估唔到會有咁多餸，好多舊排骨，兩個人僅僅食得晒😆。
上年冬天已經想食，但係我哋唔係成日經過荃灣，同埋每次去都見到好多人排隊，所以我哋一直都無食過😂。我哋今次好好彩，排左大約15分鐘左右就有得入🥳。
避風塘雞翼尖 $45
好食，不過真係幾鹹吓，飲住啤酒食會好啲😂。每一隻雞翼尖都沾滿左避風塘蒜粒，好抵食，好多隻雞翼尖，同時又好食😍。
錫紙花蛤粉 $103
真係幾辣，我哋一路食一路飲啤酒先得😆。花蛤非常之大隻，估唔到依個價錢可以食到咁大隻花蛤👍🏻，好新鮮好清甜，仲有啲粉絲係底，啲粉絲索晒啲花蛤水，好好食😚。
生啫芥蘭煲 $88
又係好大份既芥蘭煲，係點菜嘅時候，我仲心諗點解嗌碟菜都要成$88 🤔。原來裏邊有埋臘肉，令到個芥蘭煲好香😌。
臘腸排骨煲仔飯 $80
不過不失，大煲到兩個人都唔係幾食得濟。最鍾意可以自己加豬油落個煲仔飯到🤟🏻，令到個啲飯又香又滑。同時我估唔到會有咁多餸，好多舊排骨，兩個人僅僅食得晒😆。
張貼
