文苑飯莊

營業中

休息中

初訪文苑，位於係天馬苑商場，係同區實屬隱世但又有名氣嘅高級中菜廳。 前身為街市，佔地2萬呎，房間至散枱都有，中間亦有一個好靚嘅wine cellar. 老實講，無諗過去天馬苑搵食。呢度服務好，食物穩定，當中馳名乳豬最出色。 主廚身出身富嘉閣，香港賽馬會等等高級食府。點心師傅曾在The Chinese Library工作，而燒味師傅則曾於港島廳、唐人館和瑞吉酒店等工作。食物方面，前菜當中我較為喜歡嘅有有醉鮑魚，叉燒皇，而鷄肝撻好別致，不過較細件，食唔真😂醉鮑魚大隻厚肉，腍度剛好，未至於適合老人家，不過岩我，酒味充足。 叉燒唔係黑毛豬果種死肥無肉味，值得一試。蜜餞金蠔正常操作，堂剪乳豬真係皮薄香脆，即場一剪就開，亮麗玻璃皮做法，絕對見得人。油雞縱蘭度炒斑球，好香嘅一碟菜式，不過斑球火喉略為過火，有少少硬身但未至於乾，都好食嘅。蘭度份量夠，碧綠好好咬。豉油鷄送上黎俾個顏色賣相搞到信心真係有少少減，但係味道竟然夠味，而且夠滑又多汁。 👍👍小炒皇好食，足料。砂窩炒飯，係旁邊即炒。 用gas爐加熱，大砂窩儲熱後再將飯炒起葱，帶子，櫻花蝦等等，最後加入火腿上湯炒埋。好食，夠味，足料，夠熱，粒粒分明，