豚道樂 (百合苑商場) (已結業)

一直都好鍾意食拉麵 今次搵到呢間鋪後就特意約朋友去食一開始都搵得幾辛苦 原來佢喺9號水產入面 唔係街邊嘅鋪但一切嘅辛苦都係值得嘅呢間拉麵舖都有唔少食物嘅選擇可惜魚介豚骨湯同海老湯唔可以同時享用 前者係平日限定 而後者就係五六日限定但我哋當日去嗰陣係星期一 估唔到居然係冇魚介豚骨拉麵 反而有海老湯拉麵 哈哈最後我哋兩個分別揀咗原味豚骨骨拉麵同埋黑松露醬油豚骨拉麵 而且面底仲有兩款選擇直麵同曲麵 我哋都各試咗一款兩款豚骨骨拉麵湯底其實一樣 都有香濃嘅豚骨味 不過原味豚骨拉麵就多咗橙色嘅調味粉 而另一款就多咗黑松露同帶子 為成個豚骨拉麵增添更豐富嘅口感個人認為兩款都唔錯架最鍾意係糖心蛋可以做到晶瑩剔透 忍唔住加咗一個而麵底方面 曲麵就更加好味 亦都可以掛湯掛得好好另外都左幾款小食 牛肉薯餅 炸軟殼蟹 日式煎餃子 炸紫菜墨魚咀 真係好豐富最鍾意都係煎餃子 皮薄餡多 煎得唔錯 如果可以再熱啲就更好啦而飲品就試咗兩款梳打 兩隻都好唔錯㗎 甜度啱啱好 推薦