夫妻沸片-台式麻辣火鍋 (已結業)

今日去咗夫妻工沸片食lunch，原來除咗台式套餐之外，仲有得選擇一人火鍋，款式分別有牛肉同西班牙黑毛豬兩種，會配上自家滷肉飯同飲品一杯。六十幾蚊嘅火鍋餐價錢合理，可以滿足下自己嘅邊爐癮。我揀咗麻辣湯底，辣味幾突出，但味道就比較單一。不過呢個價錢都唔會期望食到平時好多香料個種嘅麻辣湯。黑毛豬質素OK，食完有滿滿飽肚感。我更加鍾情於台式套餐，有我最愛既椒麻拌麵。拌麵味道層次豐富，帶有少少麻辣，但係又唔會辣到要飲水既程度，調味比例恰到好處。而麵條既乾濕度都令人滿意。配埋美容養顏花膠雞湯同鴨血，令人相當滿足嘅午餐。午餐仲有得免費配竹蔗茅根水👍🏻