龍拉麵 (已結業)

中午同朋友打算搵地方食野，見到就近既呢間龍拉麵之前未試過就諗住入去試下，入到去點左個黑龍拉麵（黑松露櫻花蝦味）。首先湯底太鹹，雖然標榜無味精，但係湯底濃得黎無層次。其次，配料同湯係出奇地唔夾，好似互不相識咁，完全係可以分開食分開上。再者，味道普通到不能再普通，甚至有啲自己煮麵既感覺，再加上一個幾貴既價錢，食完一次之後唔會再食第二次。不過，呢間野啲叉燒都算可以接受，因為是用火烤方法製成，味道幾香，但普通，算係全碗麵最可接受既地方。