22
12
28
港鐵屯門站 E 出口, 步行約4分鐘 繼續閱讀
營業時間
今日營業
12:00 - 23:00
星期一至日
12:00 - 23:00
付款方式
現金
座位數目
7
其他資料
加一服務費
食評 (80)
等級2 2020-03-27
0 瀏覽
今次都係講拉麵。 屯門區別一間我同朋友都好喜歡。 比較近市中心, 由坐得8個客架小店變成兩間店架鋪頭。 老闆有心機做麵, 同聲同氣香港人, 湯底有白, 紅, 黑龍。 分別是豬骨湯, 擔擔麵辣辣地, 黑松露。 各有特色, 清清地食白, 辣辣地食紅, 重口味啲食黑。 叉燒夠厚, 每舊上枱前老闆都會燒香, 糖心蛋都好入味。 麵底, 叉燒, 蛋都可以加。 不過大家叫果時量力而為, 叫多左, 食唔晒老闆會唔開人架。 要飲兩柸架朋友可以叫酒嘅, 但因不是居酒屋, 所以有人排隊就飲完就可能要去其他地方先慢慢飲啦。 😁好食嘅拉麵, 一般都湯底比較濃同高卡。 怕肥架朋友, 都是食點菜和生果先去食就會健康一啲啦。 😋 繼續閱讀
(以上食評乃用戶個人意見 , 並不代表OpenRice之觀點。)
等級2 2020-03-19
52 瀏覽
好耐之前去食過,個時剩係得吧枱位,係舖頭出面排隊,排到咁上下就會有人叫你落左單先,選擇唔多,得幾款俾你揀。舖頭細細,個廚房已經霸佔左一大半既空間,兩個廚師係入面整野食,再一個L型既食客位,個個圍住個廚師食麵,坐得未算最舒適,但都可以接受既,底底有個籃俾你放雜物,仲有成個水煲俾你自己斟水,設計都幾貼心。鍾意食辣既我就叫左個赤龍,佢係中式擔擔麵湯底黎,而我本身就麻麻擔擔麵既,因為覺得佢要辣不辣咁,唔知想點,但依個擔擔湯係辣既,所以尚可接受,而其他野,例如粟米、木耳、紫菜同蛋個啲就基本野啦,冇咩好講。但個叉燒就真係要讚下,廚師切開叉燒後,應該係再用火槍燒一燒(唔知佢用咩燒啦,應該係火槍),食落好香口,平時我食拉麵會覺得啲麵同個湯係主角,今次依碗,個叉燒真係搶晒foc。好!好!食!但佢擴充左之後,好似多左好多負評,好似冇左之前既水準,要考慮下先會再去食 繼續閱讀
(以上食評乃用戶個人意見 , 並不代表OpenRice之觀點。)
從來沒有想過,日本的拉麵熱潮捲襲香港,香港人學會了之後,把這一個日本味道本地化,繼承了拉麵熱潮之後,再將其發揚光大。在市面上,有不少香港人自家創立的拉麵小店,質素同熱誠,絕對是勝過眾多日本過江龍品牌的。近些日子,在屯門的新墟,發現了一間名叫《龍拉麵》的小店。這店,間中有人龍,而且看得出是由本地人經營的。於是,我一直把這店放在我的屯門 wish list 之中。拜訪的那天是我同太太分頭前往屯門的一天,當日就立定決心,一定要來食返碗拉麵。個體戶的拉麵店,是由老闆親自帶領團隊上陣服務同製作拉麵。小小店,大部份的座位都是面對著 open kitchen 的吧台位。在香港、在日本食過咁多次拉麵,最好 feel、最開心、最有風味,都係坐上吧檯,面對著蒸氣,面對著高湯的香味來享受師父的拉麵。《龍拉麵》提供三款拉麵。有簡單的豚骨湯 "白龍"、加了黑松露同櫻花蝦的 "黑龍"、還有就是同中式擔擔麵 crossover 的 "赤龍"。看來看去,黑松露同櫻花蝦好像比較吸引,所以,我選擇了 "黑龍"。黑龍拉麵,配上了一片厚切的醬烤叉燒,一隻美味的溏心蛋,大量的粟米,木耳,而最矚目的,是一大堆的蝦乾,是櫻花蝦乾。豚骨的湯底,加上了黑松露的香,加上了櫻花蝦的鮮,再有醬烤叉燒的醬汁味滲入,令到單調的豚骨湯增添了許多美味的原素。不把這湯喝清光實在對不起師父。而拉麵的全蛋麵條,十分之香滑。食晒麵,食晒配料,連湯都飲埋,原因就是是味美。而且,這是對拉麵出品的一個肯定。很好的一碗拉麵,味道濃香,份量夠溫飽。個人來說,比較喜歡這些非連鎖的小型拉麵店。因為這些小店更有人情味、更有個人風格。這些小拉麵店,隨時會令你得到驚喜同全新的味覺感受。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-01-22
447 瀏覽
一向都係拉麵迷 見呢間野個外型裝修幾靚 仲要係黃店 諗住一試 但入到鋪個裝修完全係西式餐廳 唔講以為自己去咗打卡cafe我點左個赤龍 友人點左白龍 白龍似係出前一丁湯溝淡左 麵係生麵王 完全唔係拉麵 個蛋一D味都冇 🤮 赤龍 就似係只加左D麻辣醬 間野聲稱自己係黃店 但我聽到店員講野操鄉音嘅😰人頭消費約$100 唔知自己食左D咩 🤬好垃圾 未試過食到咁嬲要打食評 好懷疑個老闆開間鋪對唔對得住自己良心 寧願喺屋企煮公仔麵冇咁嬲🤯🤯🤯如果唔係cm最少要一粒星 會全部0星 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-20
278 瀏覽
湯底其實夠濃郁,而我食拉麵好多時會飲D湯,但可惜正如張相咁,D湯真係有D少都推介『黑龍』,係黑松露同櫻花蝦口味,兩者都幾夾,而湯底極濃郁,味道香口。櫻花蝦、青蔥、黑松露醬鋪到滿滿係表面~睇相都見到而白龍就無咩特別, 食完好口喝。先付款後食 (不過員工態度唔係咁好) 再去食既機會唔大。龍拉麵 地址:屯門德政圍16-34號海盛大廈地下11號地舖電話號碼: N/A營業時間:星期一至日12:00 - 23:00 繼續閱讀
(以上食評乃用戶個人意見 , 並不代表OpenRice之觀點。)