霸嗎拉麵 (已搬遷) 新店位置

今日下午茶時間去左食拉麵，見登龍街有好多間唔識揀，最後決定入呢間試下。因為未食過呢間餐廳，所以3個人都係叫最普通呢豚肉醬油拉麵，仲加左份炸雞同煎餃子。豚肉醬油拉麵拉麵口感一般，唔夠爽口。湯方面無豚肉味，偏鹹，拉麵同湯配合得唔係幾好。豚肉方面，大大塊，賣相都幾吸引，不過都係偏鹹。10分滿分，呢碗拉麵得5分左右。最好味應該係隻蛋，糖心嘅。炸雞大大件，不過雞肉唔滑，又唔juicy，不過勝在飽肚。煎餃子無咩特別，一般餃子味道。總括黎講，呢間拉麵店嘅食物味道一般，如果想搵好味嘅拉麵，銅鑼灣有更好嘅選擇。不過呢度勝在大件飽肚。