茶墨 (已結業)

作為手搖飲品重度成癮患者尼間位於the one入面既茶飲店已經進駐左我既bookmark list 好耐奈何去親尖沙咀都係為左食lunch/dinner食完太full又飲唔落所以一直冇機會試到今日襯住有事要幾乎全日係尖沙咀活動終於比我抽到個小tea time去一戰茶墨小店顧名思義 以水墨風茶飲聞名唔同口味既打成蓉狀既配料倒入茶飲之中猶如水墨渲染既模樣淨係拎上手都覺得自己好有藝術文化🤣第一次試小店 當然要揀佢舖頭招牌巴既兩款飲品分別係麻糬芝蔴烏龍鮮奶茶 以及麻糬芋泥茉莉鮮奶綠前者好濃郁既芝蔴香 好似食緊芝蔴糊但同時亦保有烏龍茶味 好特別黑白既水墨紋路非常討好同打卡able拎住都覺得自己頓時有種出身書香門第既感覺XD至於芋泥茉綠 則呈現一種粉紫色既紋路賣相亦好溫柔少女非常足料既鮮芋泥同香氣四溢既茉香茶底配搭得恰到好處 令芋頭控既我非常滿足！同時兩杯野飲都唔會過甜 飲落唔膩仲有不得不一讚既就係佢地既麻糬超煙韌！唔會因為浸起水入面而變得太軟糯依然保有咬口 可謂麻糬控既福音！另外見小店仲有販賣切cake其中甜薯切cake一下擊中左我既心小巧精緻 造型如同一小塊烤過既烤蕃薯令我忍唔住又嗌左件嘗鮮食