台蔡滷肉飯

營業中

休息中

尋日同同事去咗荃灣嘅台蔡滷肉飯食晏，呢間餐廳喺街角，門面唔算大，但入到去感覺幾舒服。餐廳播住輕音樂，氣氛幾好，唔會太嘈，食飯都食得幾自在。👫爆蔥滷肉飯（溫泉蛋）❤️❤️❤️❤️  滷肉飯係呢度嘅招牌，一上枱就聞到陣陣香氣。滷肉肥瘦適中，入口即化，醬汁濃郁但唔會太鹹，撈飯一流。溫泉蛋嘅蛋黃流心，撈埋滷肉飯一齊食，口感更加滑溜。爆蔥嘅香脆同滷肉嘅軟腍形成對比，食落幾有層次。🍚 唯一係份量可以再多啲，食完有啲意猶未盡。花雕麻油雞湯麵 ❤️❤️❤️❤️❤️  呢碗湯麵真係好正，湯底用花雕酒同麻油熬製，香氣撲鼻，飲一啖湯已經覺得暖笠笠。🐔 雞肉煮得啱啱好，嫩滑唔柴，麵條彈牙，吸晒湯汁嘅精華。麻油嘅香味同花雕酒嘅醇厚完美結合，飲完湯都唔會覺得膩。呢碗麵絕對係冬日嘅暖胃之選，食完仲想再encore。🍜黃金木耳  ❤️❤️❤️  呢道小菜幾清新，木耳爽脆，調味唔會太重，帶少少酸甜，食落幾開胃。🥗 黃金木耳嘅色澤好靚，加咗少少蒜蓉同辣椒絲，味道層次豐富。不過相比其他菜式，呢道就顯得普通咗啲，適合鍾意清淡口味嘅人。白桃烏龍茶+寒天❤️❤️❤️❤️  飲品方面，白桃烏龍茶幾清新，茶香中帶住淡淡嘅白桃果香，飲落好解膩。🍑 寒天粒粒爽口，增加