牛匠石燒 (已結業)

今晚喺尖沙咀食飯，食咗一間好正嘅和牛燒肉真係要同大家介紹！！牛匠極上盛盒精選各種高級牛肉，包括日本鹿兒島A4牛肩肉同牛肋骨肉😍 肉質軟而入口即化～充滿鮮美肉汁❤️ 超好食！ 仲有五花肉、牛舌、牛小排等等，滿足晒食肉獸嘅願望！有別於用燒烤爐燒肉，呢一度係用石燒，肉汁油脂好易多到彈，所以餐廳都細心咁樣準備咗圍裙防止油彈。呢個餐仲可以加味素飯同埋溫泉蛋、烏冬，溫泉蛋倒落去米飯混和，蛋汁包裹每粒米飯🍚好juicy好食🤤烏冬亦都好彈牙，不過比較快凍，所以大家要爭取時間趁熱食🙆🏻‍♀️👍🏻飲品叫咗芝士奶蓋四季春同埋水果茶，推薦大家飲水果茶，因為真係好大杯同埋有好多生果好足料，底下仲有蒟蒻可以食，口感豐富。呢間餐廳overall嘅質素都非常好，而且餐廳環境都比較乾淨，服務亦都相當好，所以下次都會再嚟幫襯！