鹹蛋王@Freshlane (已結業)

星期日同阿仔由早到晚忙咗成日，下午六點零左右，又熱又攰又餓，正又煩惱緊夜晚食啲乜好。行緊返屋企咁啱，就經過呢間外賣美食廣場自攜點。好奇心之下停低睇下，覺得幾得意。咁就一於又試下新嘢。首先地下設有自助點餐機，有不同品牌食品供應服務商。點完餐及付款後，然後就上一層，等侯食物製作。現場設有長椅供坐著等外賣。最後選了呢間新加坡美食店「鹹蛋王」，一於試下佢嘅邪惡流心鹹蛋王醬有幾邪惡。同阿仔我哋兩個人，點了一個《邪惡鹹蛋王醬炸雞飯」、一個〈醬油炸豬肉飯〉、另加一份〈鹹蛋王雞翼〉。由於遇上晚飯繁忙時段，所以等候時間較長。終於食物製作完畢，外賣包裝袋十分醒神，令人眼前一亮。回到家裡打開紙袋，食物及醬汁亦包裝得十分企理。飯除有炸雞/炸豬肉之外，還配一隻靚靚太陽蛋，另配有一些蕃茄及生菜作伴菜。鹹蛋王醬味道獨特，加有香葉及流沙，係整個餐的靈魂。炸雞及炸雞翼本身的調味其實已經相當不錯，而沾上了鹹蛋王醬後，味道更與別不同，口感層次再提升了不少。除親身到提取點選餐及自取之外，亦設有多個外賣速遞平台，可供在家點餐，啱曬我哋呢啲懶人一族。不過留意繁忙時段，製作需要較長時間，大家記得自行預時間提早訂餐。