永騰潮州鹵水鵝店

營業中

休息中

同學聚會完畢,由馬鞍山出番荃灣順便買野, 行過呢度好幾次都見幾多人買,今次都買d試下。時間關係,只賣剩少量鴨、鵝、豬腳、蛋。見到有位叔叔堂食鴨肉飯都好似幾好味,一於買。鹵水鴨半隻($35):鴨肉幾肥美、厚身但唔un,鹵水味道唔係偏甜,味道唔錯,難怪七點零鐘已經賣得八八九九;平時買鹵水食品會有一包蒜頭醋,通常食完之後真係生人勿近,呢度又唔會bor,仲甜甜地添,呢樣幾好。鹵水蛋: 蛋仔細細但新鮮,面頭唔係太深色,但又係幾夠味,一試無妨。